(VOVWORLD) -ມີຢ່າງໜ້ອຍສຸດ 9 ປະເທດສະມາຊິກຂອງສະຫະພາບເອີຣົບ (ອີຢູ) ໄດ້ຮຽກຮ້ອງໃຫ້ກຸ່ມບັນດາປະເທດນ້ຳໃຊ້ສະກຸນເງິນ ເອີໂຣ (Eurozone) ຈົ່ງພ້ອມກັນແບ່ງປັນບ້ວງ ໜີ້ສິນທີ່ໜັກໜ່ວງໃນພາກພື້ນ ເພື່ອຫຼຸດຜ່ອນການກະທົບຫຍໍ້ທໍ້ຂອງໂລກລະບາດໂຄວິດ - 19.
 (ພາບປະກອບ: TTXVN)
|
ເນື້ອໃນດັ່ງກ່າວ ໄດ້ຍົກອອກມາໃນຈົດໝາຍສົ່ງເຖິງ ອີຢູ ໃນວັນທີ 25 ມີນາ ດ້ວຍລາຍເຊັນຂອງການນຳບັນດາປະເທດ ຝລັ່ງ, ແອັດສະປາຍ, ອີຕາລີ, ເກຼັກ, ອຽກລັງ, ແບນຊິກ, ລຸກຊຳບວກ, ສະໂລເວເນຍ ແລະ ປັອກຕຸຍການ.
ໃນຈົດໝາຍສະບັບດັ່ງກ່າວ, ການນຳບັນດາປະເທດໄດ້ເນັ້ນໜັກວ່າ: “ພວກເຮົາຕ້ອງພັດທະນາເຄື່ອງມືໜີ້ສິນອັນດຽວກັນ ເພື່ອແນໃສ່ສ້າງກອງທຶນໃນຕະຫຼາດດ້ວຍພື້ນຖານອັນດຽວກັນ ແລະ ນຳມາເຊິ່ງຜົນປະໂຫຍດໃຫ້ແກ່ທຸກປະເທດສະມາຊິກ”.
ແນວຄວາມຄິດດັ່ງກ່າວໄດ້ຮັບການສະໜັບສະໜູນຈາກທະນາຄານສູນກາງເອີຣົບ ແຕ່ວ່າເຢຍລະມັນ ແລະ ບັນດາປະເທດຮັ່ງມີອື່ນຊ້ຳພັດຄັດຄ້ານ.