ການບຳລຸງແກ່ຜູ້ທີ່ມີຄວາມເກັ່ງກ້າສາມາດແມ່ນລັດຖະນະໂຍບາຍອັນດັບໜຶ່ງຂອງຫວຽດນາມ
ທ່ານປະທານສະພາແຫ່ງຊາດຫວຽດນາມ ຫງວຽນຊິງຮຸ່ງພົບປະກັບນັກຮຽນໄດ້ຮັບລາງວັນ ໂອລິມປິກ ສາກົນ ແລະ ບັນດານັກຮຽນດີເລີດໃນການສອບເສັງເຂົ້າມະຫາວິທະຍາໄລ, ວິທະຍາໄລປີ 2013
|
(Vovworld)-ທີ່ການພົບປະກັບນັກຮຽນໄດ້ຮັບລາງວັນ ໂອລິມປິກ ສາກົນ ແລະ ບັນດານັກຮຽນດີເລີດໃນການສອບເສັງເຂົ້າມະຫາວິທະຍາໄລ, ວິທະຍາໄລປີ 2013, ທ່ານປະທານສະພາແຫ່ງຊາດຫວຽດນາມ ຫງວຽນຊິງຮຸ່ງ ຢືນຢັນວ່າ ການບຳລຸງແກ່ຜູ້ທີ່ມີຄວາມເກັ່ງກ້ສາມາດແມ່ນໜຶ່ງໃນບັນດາລັດຖະນະໂຍບາຍອັນດັບໜຶ່ງຂອງຫວຽດນາມ, ບັນດານັກຮຽນແມ່ນຄວາມເອກອ້າງທະນົງໃຈ, ແມ່ນບັນດາແບບຢ່າງດີເດັ່ນເພື່ອໃຫ້ນັກຮຽນ, ນັກສຶກສາທົ່ວປະເທດພ້ອມກັນແຂ່ງຂັນ, ສູ້ຊົນຮ່ຳຮຽນ ແລະ ເຮັດຕາມ. ທ່ານປະທານສະພາແຫ່ງຊາດຫວຽດນາມ ຫງວຽນຊິງຮຸ່ງ ເນັ້ນໜັກວ່າ ພັກ, ລັດ ຍາມໃດກໍເອົາໃຈໃສ່ລົງທຶນໃຫ້ແກ່ການພັດທະນາການສຶກສາ, ບຳລຸງສ້າງ. ທ່ານປະທານສະພາແຫ່ງຊາດຫວຽດນາມ ຫງວຽນຊິງຮຸ່ງ ສະເໜີວ່າ ຕໍ່ໜ້າຄວາມຮຽກຮ້ອງຕ້ອງການໃໝ່, ຂະແໜງສຶກສາຄວນປ່ຽນໃໝ່ວິທີສິດສອນ ແລະ ຮຽນ, ປ່ຽນໃໝ່ແບບວິທີຄຸ້ມຄອງ, ໃນນັ້ນ ເອົາໃຈໃສ່ເຖິງການພັດທະນາຍົກສູງຄຸນນະພາບຖັນແຖວຄູອາຈານ.