(vovworld) – ວັນທີ 11/11, ສະຖານທູດຫວຽດນາມ ປະຈຳນອກແວ ໃຫ້ຮູ້ວ່າ, ຫວຽດນາມ ແລະ ນອກແວ ພວມຜັນຂະຫຍາຍບັນດາມາດຕະການເພື່ອແນໃສ່ເພີ່ມທະວີການຮ່ວມມື 2 ຝ່າຍໃນຂົງເຂດບຳລຸງສ້າງວິຊາຊີບ ແລະ ພັດທະນາວິສາຫະກິດ. ຄວາມມານະພະຍາຍາມນີ້ໄດ້ຢືນຢັນອີກເທື່ອໜຶ່ງທີ່ການເຮັດວຽກຕ່າງໆ ເນື່ອງໃນໂອກາດຢ້ຽມຢາມນອກແວ ຂອງທ່ານນາງເລຂາຫ້ອງການການຄ້າ ແລະ ອຸດສາຫະກຳຫວຽດນາມ ຟ້າມທິທູຮັ່ງ ໃນໄລຍະຜ່ານມາ. ທີ່ການເຮັດວຽກຢູ່ Oslo, ຜູ້ອຳນວຍການໃຫຍ່ສະຫະພັນວົງການນາຍຈ້າງນອກແວ Kristin Skogen Lund ແລະ ທ່ານນາງສ.ຣ ຟ້າມທິທູຮັ່ງ ໄດ້ຕີລາຄາສູງໝາກຜົນການຮ່ວມມືລະຫວ່າງ 2 ຝ່າຍໃນຊຸມປີຜ່ານມາ, ບົນພື້ນຖານຂໍ້ຕົກລົງຮ່ວມມືທີ່ໄດ້ຮັບການລົງນາມເມື່ອປີ 2004. ການຮ່ວມມືລະຫວ່າງສະຫະພັນວົງການນາຍຈ້າງນອກແວ ແລະ ຫ້ອງການການຄ້າ ແລະ ອຸດສາຫະກຳຫວຽດນາມ ນອນໃນຂອບເຂດການຮ່ວມມືພັດທະນາໂດຍລັດຖະບານນອກແວ ອຸປະຖຳ, ເພື່ອແນໃສ່ຊຸກຍູ້ການຮ່ວມມືໃນການສອນວິຊາຊີບ, ແບ່ງປັນບົດຮຽນກ່ຽວກັບຮູບແບບບຳລຸງສ້າງວິຊາຊີບຢູ່ນອກແວ.