ການເຄື່ອນໄຫວ ຂອງທ່ານນາຍົກລັດຖະມົນຕີ ລາວ ຢູ່ ຫວຽດນາມ
(VOVWORLD) -ຕອນບ່າຍວັນທີ 6 ທັນວາ, ຄະນະຜູ້ແທນຂັ້ນສູງລັດຖະບານ ລາວ ໂດຍທ່ານນາຍົກລັດຖະມົນຕີ ທອງລຸນ ສິສຸລິດ ນຳໜ້າ ໄດ້ເດີນທາງອອກຈາກຮ່າໂນ້ຍ, ສິ້ນສຸດການຢ້ຽມຢາມຫວຽດນາມ ແລະ ເປັນປະທານຮ່ວມກອງປະຊຸມຄັ້ງທີ 43 ຂອງຄະນະກຳມະການຮ່ວມມືທະວິພາຄີລະຫວ່າງລັດຖະບານ ຫວຽດນາມ - ລາວຢ່າງຈົບງາມ ຕາມຄຳເຊື້ອເຊີນຂອງທ່ານນາຍົກລັດຖະມົນຕີ ຫວຽດນາມ ຫງວຽນຊວັນຟຸກ ແຕ່ວັນທີ 4 ຫາ 6 ທັນວາ 2020.
 ທ່ານນາຍົກລັດຖະມົນຕີ ລາວ ທອງລຸນ ສີສຸລິດ ແລະ ທ່ານນາຍົກລັດຖະມົນຕີ ຫວຽດນາມ ຫງວຽນຊວັນຟຸກ (ພາບ: TTXVN) |
ໃນໄລຍະຢູ່ ຫວຽດນາມ, ທ່ານນາຍົກລັດຖະມົນຕີ ທອງລຸນ ສີສຸລິດ ແລະ ທ່ານນາຍົກລັດຖະມົນຕີ ຫງວຽນຊວັນຟຸກ ໄດ້ເປັນປະທານຮ່ວມກອງປະຊຸມຄັ້ງທີ 43 ຂອງ ຄະນະກຳມະການຮ່ວມມືທະວິພາຄີລະຫວ່າງລັດຖະບານ ຫວຽດນາມ - ລາວ, ເຂົ້າຢ້ຽມຂ່ຳນັບທ່ານ ເລຂາທິການໃຫຍ່, ປະທານປະເທດ ຫວຽດນາມ ຫງວຽນຝູຈ້ອງ, ພົບປະກັບທ່ານນາງປະທານສະພາແຫ່ງຊາດ ຫງວຽນທິກິມເງິນ.
ທີ່ບັນດາການພົບປະ, ສອງຝ່າຍໄດ້ເຫັນດີເປັນເອກະພາບ ກ່ຽວກັບທິດທາງການຮ່ວມມືໃນປີ 2021 ແລະ ໄລຍະ 5 – 10 ປີຈະມາເຖິງ, ເຫັນດີເປັນເອກະພາບສຸມໃສ່ປະຕິບັດບັນດາສົນທິສັນຍາ, ຂໍ້ຕົກລົງໃຫຍ່ລະຫວ່າງສອງປະເທດຢ່າງມີປະສິດທິຜົນ. ສອງຝ່າຍໄດ້ຍົກອອກຫຼາຍມາດຕະການຢ່າງແຮງ ແລະ ແທ້ດຈິງ ເພື່ອສືບຕໍ່ນຳການພົວພັນດ້ານການເມືອງ, ການທູດ ລະຫວ່າງ ສອງປະເທດໄດ້ເຂົ້າສູ່ລວງເລິກ, ເພີ່ມທະວີເສົາຄ້ຳໃນການຮ່ວມມືດ້ານປ້ອງກັນຊາດ - ປ້ອງກັນຄວາມສະຫງົບ, ສືບຕໍ່ໃຫ້ບຸລິມະສິດພິເສດແກ່ການຮ່ວມມືດ້ານການສຶກສາ - ບຳລຸງສ້າງ, ຍູ້ແຮງການຮ່ວມມືດ້ານເສດຖະກິດ.