ສະໜັບສະໜູນປະທານາທິບໍດີ Hugo Chevez
(ພາບ:baomoi.com)
|
( vovworld ) – ວັນທີ 10/3, ປະຊາຊົນໃນທົ່ວປະເທດ Venezuela ນັບພັນໆຄົນ ໄດ້ລົງຖະໜົນເດີນຂະບວນ ສະແດງການສະໜັບສະໜູນປະທານາທິບໍດີ Hugo Chevez ໃນສະພາບການທີ່ການນຳຜູ້ເດີນຕາມແນວທາງຝ່າຍຊ້າຍ ພວມຢູ່ໃນວິວັດການຟື້ນຟູສຸຂະພາບ ພາຍຫຼັງການຜ່າຕັດໂລກມະເລັງຢູ່ປະເທດ ກູບາ. ທ່ານຮອງປະທານາທິບໍດີ Elinas Jauna ໄດ້ອ່ານສານຂອງປະທານາທິບໍດີ Hugo Chevez ຕໍ່ໜ້າມະຫາຊົນ ຊື່ງໄດ້ນຳສະເໜີໃນເວບໄຊສະເພາະ Twitter ຂອງທ່ານ, ໃນນັ້ນການນຳຜູ້ນີ້ໄດ້ສືບຕໍ່ຮຽກຮ້ອງໃຫ້ສ້າງລັດທິສັງຄົມນິຍົມຢູ່ Venezuela.