(vovworld) - ຕອນບ່າຍວັນທີ 8/3, ທ່ານ ຫງວຽນກິມຄວາ, ຫົວໜ້າກຳມາທິການປ້ອງກັນຊາດ - ປ້ອງກັນຄວາມສະຫງົບຂອງສະພາແຫ່ງຊາດຫວຽດນາມ ໄດ້ມີການເຮັດວຽກກັບແຂວງ ບິນເຟືອກ ກ່ຽວກັບການຜັນຂະຫຍາຍປະຕິບັດມະຕິຂອງສະພາແຫ່ງຊາດກ່ຽວກັບໜ້າທີ່ປ້ອງກັນຊາດ - ປ້ອງກັນຄວາມສະຫງົບ ປີ 2012 ແລະ ສະພາບການຂີດເສັ້ນຊາຍແດນ, ປັກຫຼັກໝາຍຊາຍແດນ, ຮັບປະກັນການປ້ອງກັນຄວາມສະຫງົບເຂດຊາຍແດນຫວຽດນາມ - ກຳປູເຈຍ ໃນບໍລິເວນແຂວງບິນເຟືອກ. ມາຮອດປະຈຸບັນ, ແຂວງບິນເຟືອກ ໄດ້ປະຕິບັດສຳເລັດການປັກຫຼັກໝາຍຊາຍແດນ 19 ສະຖານທີ່ ດ້ວຍ 28 ຫຼັກໝາຍຊາຍແດນ ແລະ ແມ່ນແຂວງທຳອິດປະຕິບັດວຽກງານປັກຫຼັກໝາຍຊາຍແດນ ຫວຽດນາມ - ກຳປູເຈຍ. ປີ 2011 ແລະ ແຕ່ຕົ້ນປີ 2012 ມາຮອດປະຈຸບັນ, ສະພາບຄວາມສະຫງົບການເມືອງໃນເສັ້ນຊາຍແດນຂອງແຂວງເປັນປົກກະຕິພໍສົມຄວນ.
ທ່ານຫົວໜ້າກຳມາທິການປ້ອງກັນຊາດ - ປ້ອງກັນຄວາມສະຫງົບຂອງສະພາແຫ່ງຊາດ ຫງວຽນກິມຄວາ ຖືວ່າ: ເລື່ອງສົມທົບການພັດທະນາເສດຖະກິດ - ສັງຄົມ ກັບການຮັບປະກັນການປ້ອງກັນຊາດ - ປ້ອງກັນຄວາມສະຫງົບໃນບໍລິເວນແຂວງບິນເຟືອກ ມີການປ່ຽນແປງຕັ້ງໜ້າພໍສົມຄວນ. ແຂວງ ບິນເຟືອກ ໄດ້ປະຕິບັດວຽກງານຕໍ່ສູ້, ປ້ອງກັນ, ຕ້ານອາຊະຍາກຳ, ຮັບປະກັນຄວາມສະຫງົບໃນເຂດຊາຍແດນ ຢ່າງມີປະສິດທິຜົນ. ແຂວງບິນເຟືອກປະຕິບັດວຽກງານຂີດເສັ້ນຊາຍແດນ, ປັກຫຼັກໝາຍຊາຍແດນສຳເລັດ ຢ່າງວ່ອງໄວ.