(vovworld) - ຕອນເຊົ້າວັນທີ 12/7, ຢູ່ຮ່າໂນ້ຍ, ສະມາຄົມອະດີດຊາວໜຸ່ມຕະລຸມບອນຫວຽດນາມ ໄດ້ຈັດຕັ້ງພິທີລະນຶກ 62 ປີແຫ່ງວັນປະທານໂຮ່ຈີມິນ ສ້າງຕັ້ງກຳລັງຊາວໜຸ່ມຕະລຸມບອນ (15/7/1950 – 15/7/2012) ແລະ ຍ້ອງຍໍສັນລະເສີນອະດີດຊາວໜຸ່ມຕະລຸມບອນທີ່ດີເດັ່ນ 300 ຄົນທີ່ໄດ້ຊ່ວຍເຫຼືອກັນດຳເນີນທຸລະກິດເກັ່ງເພື່ອຫຼຸດພົ້ນອອກຈາກຄວາມທຸກຍາກ, ເພື່ອນ້ຳໃຈຄວາມຮັກແພງລະຫວ່າງເພື່ອນຮ່ວມກົມກອງ. ກ່າວຄຳເຫັນນະພິທີ, ທ່ານຮອງນາຍົກລັດຖະມົນຕີຫວຽດນາມ Nguyen Thien Nhan ໄດ້ຍ້ອງຍໍຊົມເຊີຍບັນດາຜົນງານທີ່ໃຫຍ່ຫຼວງ ເຊິ່ງກຳລັງຊາວໜຸ່ມຕະລຸມບອນຍາດມາໄດ້ໃນໄລຍະສົງຄາມ ແລະ ໃນໄລຍະສັນຕິພາບ. ທ່ານຮອງນາຍົກລັດຖະມົນຕີ Nguyen Thien Nhan ເນັ້ນໜັກວ່າ:
“ບັນດາອະດີດຊາວໜຸ່ມຕະລຸມບອນໄດ້ຮັບການຍ້ອງຍໍໃນມື້ນີ້ ແມ່ນຕົວແທນທີ່ດີເດັ່ນທີ່ສຸດໃຫ້ແກ່ແບບຢ່າງດີເດັ່ນນັບພັນຄົນໃນກຳລັງນີ້. ເຂົາເຈົ້າມີແບບວິທີເຮັດວຽກທີ່ດີ, ມີປະສິດທິຜົນ, ເຊິ່ງແມ່ນການເຕົ້າໂຮມສິ່ງຍອດຍິ່ງແຫ່ງຄວາມກະຕືລືລົ້ນ ແລະ ສະຕິປັນຍາ, ຈິດໃຈຜ່ານຜ່າຄວາມຫຍຸ້ງຍາກ, ກ້າຄິດກ້າທຳຂອງບັນດາອະດີດຊາວໜຸ່ມຕະລຸມບອນໃນທຸກແຖບຖິ່ນຂອງປະເທດຊາດ. ໂດຍຕາງໜ້າໃຫ້ນາຍົກລັດຖະມົນຕີ, ຂ້າພະເຈົ້າຂໍສະແດງຄວາມຊົມເຊີຍບັນດາຜົນງານເຊິ່ງສະມາຄົມຊາມໜຸ່ມຕະລຸມບອນຫວຽດນາມຍາດມາໄດ້, ບັນດາຜົນສຳເລັດຂອງຂະບວນການອະດີດຊາວໜຸ່ມຕະລຸມບອນຊ່ວຍເຫຼືອກັນດຳເນີນທຸລະກິດເກັ່ງເພື່ອຫຼຸດພົ້ນອອກຈາກຄວາມທຸກຍາກ”
ນະພິທີ, ບັນດາຜູ້ແທນໄດ້ສະແດງຄວາມຮູ້ບຸນຄຸນຂອງຕົນຕໍຄວາມເອົາໃຈໃສ່ຂອງພັກ ແລະ ລັດ, ພິເສດແມ່ນການສ້າງຕັ້ງສະມາຄົມອະດີດຊາວໜຸ່ມຕະລຸມບອນຫວຽດນາມ.