(vovworld) - ຕອນບ່າຍວັນທີ 12/6, ທ່ານ Min Khin, ລັດຖະມົນຕີກະຊວງພິທີການ ແລະ ສາສະໜາ ລາຊະອານາຈັກ ກຳປູເຈຍ ໄດ້ໃຫ້ການຕ້ອນຮັບຄະນະຜູ້ແທນສະມາຄົມພຸດທະສາສະໜາຫວຽດນາມ ໂດຍພະມະຫາອາຈານ Thich Tri Quang, ຮອງປະທານສະພາບໍລິຫານ, ຫົວໜ້າຄະນະພຸດທະສາສະໜາສາກົນ ສູນກາງສະມາຄົມພຸດທະສະສາໜາຫວຽດນາມ ນຳໜ້າທີ່ພວມຢູ່ຢ້ຽມຢາມ ກຳປູເຈຍ ໃນລະຫວ່າງວັນທີ 11 – 13/6. ກ່າວຄຳເຫັນທີ່ພິທີຕ້ອນຮັບ, ທ່ານລັດຖະມົນຕີ Min Khin ສະແດງຄວາມຂໍຂອບອົກຂອບໃຈຕໍ່ລັດຖະບານ, ປະຊາຊົນ ແລະ ທະຫານອາສາສະໝັກ ຫວຽດນາມ ທີ່ໄດ້ຊ່ວຍເຫຼືອປົດປ່ອຍປະຊາຊົນ ກຳປູເຈຍຫຼຸດຜົ້ນອອກຈາກລະບອບດັບສູນເຊື້ອຊາດ Pol Pot, ພ້ອມທັງຟື້ນຟູພື້ນຖານ ພຸດທະສາສະໜາ ຢູ່ກຳປູເຈຍ. ໂດຍຕາງໜ້າໃຫ້ຄະນະຜູ້ແທນສະມາຄົມພຸດທະສາສະໜາຫວຽດນາມ ພະມະຫາອາຈານ Thich Tri Quang ຊົມເຊີຍບັນດາຜົນງານເຊິ່ງ ປະຊາຊົນ ແລະ ລັດຖະບານກຳປູເຈຍ ຍາດມາໄດ້, ພ້ອມທັງຊີ້ແຈງຈຸດປະສົງຂອງການຢ້ຽມຢາມ ແມ່ນເພື່ອພັດທະນາການພົວພັນລະຫວ່າງ ປະຊາຊົນ ແລະ ພຸດທະສາສະໜາ 2 ປະເທດ, ຈາກນັ້ນປະກອບສ່ວນເພີ່ມທະວີການສ້າງສັນຕິພາບໃນພາກພື້ນ ແລະ ໃນໂລກ.