ຄະນະຜູ້ແທນລັດຖະສະພາເອີລົບຢ້ຽມຢາມແລະເຮັດວຽກຢູ່ຫວຽດນາມ
ຄະນະຜູ້ແທນລັດຖະສະພາເອີລົບ ເຮັດວຽກກັບກຳມາທິການການຕ່າງປະເທດ -ສະພາແຫ່ງຊາດຫວຽດນາມ
|
(vovworld)- ຕອນບ່າຍວັນທີ 5/11 ຢູ່ ຮ່າໂນ້ຍ, ຄະນະຜູ້ແທນລັດຖະສະພາເອີລົບ ກ່ຽວກັບການພົວພັນກັບບັນດາປະເທດອາຊີຕາເວັນອອກສ່ຽງໃຕ້ ແລະ ອາຊຽນ ໂດຍປະທານ, ດຣ Werner Langer ເປັນຫົວຫນ້າຄະນະ, ໄດ້ເຂົ້າຮ່ວມການປະຊຸມຂ່າວແຈ້ງໝາກຜົນການຢ້ຽມຢາມ, ເຮັດວຽກຢູ່ ຫວຽດນາມ ແຕ່ວັນທີ 4-6/11/2015. ກ່າວຄຳເຫັນທີ່ການປະຊຸມຂ່າວ, ທ່ານປະທານ Werner Langer ໃຫ້ຮູ້ວ່າ: ບັນດາປະເທດສະມາຊິກຂອງ ສະຫະພາບ ເອີລົບ ສ່ວນຫລາຍໄດ້ຮັບຮອງເອົາ ສັນຍາຄູ່ຮ່ວມມື ການຮ່ວມມືຮອບດ້ານ ຫວຽດນາມ -ອີຢູ ພ້ອມທັງ ບັນດາຝ່າຍກໍບັນລຸໄດ້ຂໍ້ຕົກລົງບົນຫລັກການກ່ຽວກັບສັນຍາດ້ານການຄ້າເສລີ ຫວຽດນາມ ແລະ ອີຢູ. ໃນໄລຍະຢ້ຽມຢາມ ແລະ ເຮັດວຽກ ຢູ່ ຫວຽດນາມ, ຄະນະຜູ້ແທນລັດຖະສະພາ ເອີລົບ ໄດ້ເຂົ້າຢ້ຽມຂ່ຳນັບທ່ານປະທານສະພາແຫ່ງຊາດ ຫວຽດນາມ ຫງວຽນຊີງຮຸ່ງ ແລະ ເຮັດວຽກກັບການນຳ ກຳມາທິການການຕ່າງປະເທດ ແລະ ເສດຖະກິດ ຂອງສະພາແຫ່ງຊາດ, ກຳມາທິການການຕ່າງປະເທດສູນກາງ, ກະຊວງອຸດສາຫະກຳ ການຄ້າ, ກະຊວງການຕ່າງປະເທດ ແລະ ສະຫະພັນໃຫຍ່ແຮງງານຫວຽດນາມ.