ງານໂອ້ລົມສົນທະນາ ”ຜູ້ເສັງໄດ້ທີໜຶ່ງກັບທະເລໝູ່ເກາະບ້ານເກີດເມືອງນອນ”
ກອງບັນຊາການທະຫານເຮືອເຂດ 1 ມອບຂອງຂວັນໃຫ້ຄະນະຊາວໜຸ່ມນະຄອນ ຮ່າໂນ້ຍ
(ພາບ: baomoi.com)
(vovworld) – ວັນທີ 16/8, ຢູ່ນະຄອນ ຫາຍຝ່ອງ, ຄະນະຊາວໜຸ່ມນະຄອນຮ່າໂນ້ຍ ສົມທົບກັບກອງບັນຊາການທະຫານເຮືອເຂດ 1 ໄດ້ຈັດຈັ້ງການໂອ້ລົມສົນທະນາ ”ຜູ້ເສັງໄດ້ທີໜຶ່ງກັບທະເລໝູ່ເກາະບ້ານເກີດເມືອງນອນ”. ທີ່ການໂອ້ລົມສົນທະນາ, ບັນດາ ຜູ້ເສັງໄດ້ທີໜຶ່ງໄດ້ຮັບຟັງຂໍ້ມູນຂ່າວກ່ຽວກັບສະພາບການຢູ່ທະເລຕາເວັນອອກໃນໄລຍະຜ່ານມາ; ພົບປະແລກປ່ຽນ, ແບ່ງປັນກັບບັນດາພະນັກງານ, ນັກຮົບທະຫານເຮືອເຂດ 1, ຊອກຮູ້ຂໍ້ມູນກ່ຽວກັບທະເລໝູ່ເກາະ ແລະ ຄວາມຮັບຜິດຊອບຂອງໄວໜຸ່ມໃນການຮັກສາອະທິປະໄຕທະເລໝູ່ເກາະຂອງບ້ານເກີດເມືອງນອນ.
ນະທີ່ນີ້, ເລຂາຄະນະຊາວໜຸ່ມນະຄອນຮ່າໂນ້ຍ, ນາງ ຫງວຽນທິງ່າ, ໃຫ້ຮູ້ວ່າ:
“ຜ່ານການເຄື່ອນໄຫວພວກເພື່ອນມີຄວາມເຂົ້າໃຈກວ່າກ່ຽວກັບອະທິປະໄຕທະເລໝູ່ເກາະ ແລະ ເຂົ້າໃຈກວ່າກ່ຽວກັບບັນດາຜູ້ທີ່ພວມປະຕິບັດໜ້າທີ່ແສນສະຫງ່ານີ້. ຄວາມປາດຖະໜາຂອງຄະນະປະຈຳຄະນະຊາວໜຸ່ມນະຄອນຮ່າໂນ້ຍ ບໍ່ພຽງແຕ່ສຳລັບຜູ້ເສັງໄດ້ທີໜຶ່ງເວົ້າສະເພາະ ຫາກໄວໜຸ່ມນະຄອນຫຼວງເວົ້າລວມ ແມ່ນຍົກສູງຄວາມຮັບຜິດຊອບ ແລະ ພັນທະຂອງຕົນໃນການຮຳ່ຮຽນ ແລະ ປະຕິບັດບັນດາໜ້າທີ່ເຊິ່ງຕົນໄດ້ຮັບມອບໝາຍ “.