ງານໂຮມຊຸມນຸມສະເຫຼີມສະຫຼອງແຫ່ງວັນວຽກງານສັງຄົມໂລກຄັ້ງທີ 17 ຢູ່ຮ່າໂນ້ຍ
(ງານໂຮມຊຸມນຸມສະເຫຼີມສະຫຼອງແຫ່ງວັນ
ວຽກງານສັງຄົມໂລກຄັ້ງທີ 17 ຢູ່ຮ່າໂນ້ຍ)
(vovworld) - ຫົວຂໍ້ຂອງງານໂຮມຊຸມນຸມໄດ້ດຳເນີນໃນຕອນເຊົ້າວັນທີ 11/11 ແມ່ນ “ວຽກງານສັງຄົມຫວຽດນາມ-ຢືນຢັນ ແລະ ພັດທະນາ”. ກ່າວຄຳເຫັນທີ່ພິທີ, ທ່ານຫວູຈ້ອງກິມ, ຮອງປະທານທັງເປັນເລຂາທິການໃຫຍ່ຄະນະກຳມະການສູນກາງແນວໂຮມປະເທດຊາດຫວຽດນາມ, ເນັ້ນໜັກວ່າ: ໃນທ່າອຽງພັດທະນາລວມຂອງໂລກ, ວຽກງານສັງຄົມຢູ່ຫວຽດນາມ ໄດ້ສະແດງບົດບາດສຳຄັນໃນການແກ້ໄຂບັນດາບັນຫາສັງຄົມທີ່ໄດ້ວາງອອກໃນວິວັດການພັດທະນາປະເທດຊາດ. ປະຈຸບັນ, ວຽກງານສັງຄົມໄດ້ກາຍເປັນອາຊີບວິຊາການ, ມີບົດບາດສຳຄັນ. ທ່ານຫວູຈ້ອງກິມ ໄດ້ສະເໜີວ່າ:
ບັນດາຮາກຖານບຳລຸງສ້າງ, ຄົ້ນຄ້ວາຄວນຈັດຕັ້ງການຄົ້ນຄ້ວາວິທະຍາສາດ ເພື່ອຄົ້ນຄ້ວາຮູບແບບຈັດຕັ້ງວຽກງານສັງຄົມ; ປັບປຸງລະບົບກົດໝາຍ, ກົນໄກ ນະໂຍບາຍ, ສ້າງເອກະສານນິຕິກຳໃຫ້ການພັດທະນາອາຊີບວຽກງານສັງຄົມ. ສະເໜີໃຫ້ບັນດາແຂວງ, ນະຄອນສ້າງແຜນການຜັນຂະຫຍາຍແຜນຮ່າງ, ເປັນເຈົ້າການຊັບຊ້ອນແຫຼ່ງຊັບພະຍາກອນມະນຸດໃຫ້ວຽກງານສັງຄົມ; ກຳນົດການພັດທະນາອາຊີບວຽກງານສັງຄົມ ແມ່ນເນື້ອໃນຂອງແຜນການພັດທະນາເສດຖະກິດສັງຄົມຂອງທ້ອງຖິ່ນ.