(ພາບປະກອບ)
(vovworld) - ທ່ານລັດຖະມົນຕີວ່າການກະຊວງການຕ່າງປະເທດຈີນ ຫວາງຢີ ໄດ້ຍົກອອກ 10 ຂໍ້ສະເຫນີໃຫມ່ ເພື່ອແນໃສ່ເພີ່ມທະວີການຮ່ວມມືຢ່າງເລິກເຊິ່ງກວ້າງຂວາງກັບອາຊຽນ. ວັນທີ 6/8, ກ່າວຄວາມເຫັນທີ່ກອງປະຊຸມລັດຖະມົນຕີການຕ່າງປະເທດອາຊຽນ - ຈີນ, ທີ່ດຳເນີນຢູ່ກົວລາລຳເປີ, ປະເທດມາເລເຊຍ, ທ່ານ ຫວາງຢີ ໃຫ້ຮູ້ວ່າ, ຈີນຢາກຍົກ10 ຂໍ້ລິເລີ່ມໃໝ່ ເພື່ອແນໃສ່ເພີ່ມທະວີການພົວພັນສອງຝ່າຍ. ໃນຈຳນວນຂໍ້ສະເໜີນີ້, ໜ້າເອົາໃຈໃສ່ແມ່ນຂໍ້ສະເໜີວາງແຜນການດຳເນີນງານ 2016-2020 ເພື່ອແນໃສ່ປະຕິບັດຖະແຫຼງການຮ່ວມກ່ຽວກັບຄູ່ຮ່ວມມືຍຸດທະສາດ ເພື່ອສັນຕິພາບ ແລະ ຄວາມວັດທະນາຖາວອນ ອາຊຽນ - ຈີນ, ເນັ້ນໜັກເຖິງລັກສະນະທັນສະໄໝ, ຮອບດ້ານ ແລະ ແງ່ຫວັງ,ພ້ອມທັງຂຸດຄົ້ນບັນດາຂົງເຂດຮ່ວມມືໃໝ່. ຈີນຖືວ່າ, ສອງຝ່າຍຄວນຮັບປະກັນສັນຕິພາບ ແລະ ສະຖຽນລະພາບຢູ່ທະເລຕາເວັນອອກ, ຜ່ານການແກ້ໄຂຄວາມຂັດແຍ້ງກັນ, ຮັກສາສັນຕິພາບ ແລະ ຊຸກຍູ້ການຮ່ວມມື ເພື່ອບັນລຸຜົນງານລວມ.