ຊຸກຍູ້ການພົວພັນມິດຕະພາບຫວຽດນາມ - ສ.ເກົາຫຼີ
ສະເຫຼີມສະຫຼອງວັນສະຖາປະນາຄັ້ງທີ 4345 ສ.ເກົາຫຼີ
(ພາບ: phunuonline.com.vn)
(vovworld) - ຕອນເຊົ້າວັນທີ 04 ຕຸລາ, ຢູ່ນະຄອນໂຮ່ຈິມິນ, ສະຫະພັນບັນດາອົງການມິດຕະພາບ ແລະ ສະມາຄົມມິດຕະພາບຫວຽດນາມ - ສ.ເກົາຫຼີ ປະຈຳນະຄອນໂຮ່ຈິມິນ ໄດ້ຈັດຕິທີສະເຫຼີມສະຫຼອງວັນສະຖາປະນາ ສ.ເກົາຫຼີ ຄັ້ງທີ 4345. ທີ່ພິທີ, ບັນດາຜູ້ແທນໄດ້ຫວນຄືນໄລຍະ 20 ປີແຫ່ງການສ້າງຕັ້ງສາຍພົວພັນທາງການທູດລະຫວ່າງຫວຽດນາມ - ສ.ເກົາຫຼີ. ເຖິງວ່າແມ່ນໄລຍະເວລາບໍ່ດົນປານໃດເມື່ອທຽບໃສ່ປະຫວັດສາດນັບພັນປີຂອງແຕ່ລະປະເທດກໍ່ຕາມ, ແຕ່ການພົວພັນລະຫວ່າງ 2 ປະເທດໄດ້ຮັບການພັດທະນາຢ່າງດີງາມ, ກາຍເປັນແບບຢ່າງໃນການຮ່ວມມື 2 ຝ່າຍໃນພາກພື້ນ... ກ່າວຄຳເຫັນທີ່ພິທີ, ທ່ານ Oh Jea Jack, ຫົວໜ້າກົງສູນໃຫຍ່ສ.ເກົາຫຼີ ປະຈຳນະຄອນໂຮ່ຈິມິນ ໃຫ້ຮູ້ວ່າ.
“ໃນໄລຍະ 2 ປີທີ່ເປັນຫົວໜ້າກົງສູນໃຫຍ່ສ.ເກົາຫຼີ ປະຈຳນະຄອນໂຮ່ຈິມິນ, ຂ້າພະເຈົ້າເຫັນວ່າ ການຮ່ວມມື ແລະ ການພົບປະແລກປ່ຽນໃນທຸກຂົງເຂດລະຫວ່າງສ.ເກົາຫຼີ ແລະ ຫວຽດນາມ ນັບມື້ນັບແໜ້ນແຟ້ນ ແລະ ເລີກເຊິ່ງ. ບັນດາຜົນງານທີ່ບັນລຸໄດ້ນັ້ນ ແມ່ນຍ້ອນມີຄວາມມານະພະຍາຍາມ ແລະ ຄວາມສຸດຈິດສຸດໃຈຂອງປະຊາຊົນ, ວິສາຫະກິດ ແລະ ລັດຖະບານ 2 ປະເທດ. ທີ່ນະຄອນໂຮ່ຈິມິນ, ສະຫະພັນບັນດາອົງການມິດຕະພາບ ໄດ້ເປັນຂົວເຊື່ອມຕໍ່ໃຫ້ແກ່ການພົບປະແລກປ່ຽນ ແລະ ການຮ່ວມມືລະຫວ່າງຊາວນະຄອນ ແລະ ປະຊາຊົນ ສ.ເກົາຫຼີ ຢ່າງແທດຈິງ, ປະກອບສ່ວນຢ່າງໃຫຍ່ຫຼວງເຂົ້າໃນການພັດທະນາລະຫວ່າງ 2 ປະເທດ.”
ປະຈຸບັນ, ສ.ເກົາຫຼີ ແມ່ນຄູ່ຮ່ວມມືໃຫຍ່ອັນດັບ 4 ກ່ຽວກັບດ້ານການຄ້າຂອງຫວຽດນາມ. ໄລ່ສະເພາະປີ 2012, ວົງເງິນການຄ້າ 2 ສົ້ນບັນລຸໄດ້ 21 ຕື້ USD ແລະ 2 ປະເທດພວມສູ້ຊົນບັນລຸໃຫ້ໄດ້ຈຸດໝາຍ 70 ຕື້ USD ໃນປີ 2020.