ຊຸກຍູ້ການຮ່ວມມືຫວຽດນາມຣູມານີຜ່ານສູນການຄົ້ນຄ້ວາກ່ຽວກັບອີນດູຈີນ
ຊຸກຍູ້ການຮ່ວມມືຫວຽດນາມຣູມານີຜ່ານສູນການຄົ້ນຄ້ວາກ່ຽວກັບອີນດູຈີນ
(ພາບ: tgvn)
(vovworld) – ກ່າວຄວາມເຫັນໃນພິທີ ສະເໜີຕົວສູນຄົ້ນຄ່້ວາກ່ຽວກັບອີນດູຈີນ (CIS) ຢູ່ ຣູມານີ, ເຊິ່ງດຳເນີນມໍ່ໆມານີ້, ທ່ານ ເຈີ່ນແທ່ງກົງ, ເອກອັກຄະລັດຖະທູດຫວຽດນາມ ປະຈຳ ຣູມານີ ເນັ້ນໜັກເລື່ອງ CIS ໄດ້ຮັບການສ້າງຕັ້ງຂື້ນ ສະແດງໃຫ້ເຫັນວິໃສທັດ ແລະ ຄວາມຄາດຫວັງ ຂອງທັງ ຣູມານີ ແລະ ຫວຽດນາມ ໃນການປະກອບສ່ວນ ເພີ່ມທະວີການພົວພັນ ລະຫວ່າງ ຣູມານີ ແລະ ບັນດາປະເທດອີນດູຈີນ ເວົ້າລວມ, ເວົ້າສະເພາະແມ່ນ ລະຫວ່າງ ຫວຽດນາມ ແລະ ຣູມານີ. ທ່ານ ເຈີ່ນແທັງກົງ ຢັ້ງຢືນວ່າ ຫວຽດນາມ ຍາມໃດກໍ່ຕິດຕາມຢ່າງແໜ້ນແຟ້ນ ແລະ ປະກອບສ່ວນຢ່າງຕັ້ງໜ້າ ເຂົ້າໃນການພັດທະນາ ສູນຄົ້ນຄ້ວາກ່ຽວກັບອີນດູຈີນ. ທ່ານ ເອກອັກຄະລັດຖະທູດ ກໍ່ສະແດງຄວາມເຊື່ອໝັ້ນວ່າ ສູນຄົ້ນຄ່ວາກ່ຽວກັບອີນດູຈີນ ຈະກາຍເປັນສະຖານທີ່ທີ່ດີ ເພື່ອໃຫ້ບັນດານັກຄົ້ນຄ້ວາ, ນັກທຸລະກິດ ຢູ່ ຣູມານີ ແບ່ງປັນບົດຮຽນ ກໍ່ຄືບັນດາຂໍ້ສະເໜີ, ຂໍ້ລິເລີ່ມ ເພື່ອແນໃສ່ຊຸກຍູ້ ການພົວພັນແລກປ່ຽນ ກ່ຽວກັບການເມືອງ, ເສດຖະກິດ, ການລົງທຶນ ແລະ ການຄ້າ ລະຫວ່າງ ຫວຽດນາມ ແລະ ບັນດາປະເທດອີນດູຈີນ.