ຜະລິດ​ຕະພັນ​ໃນ​ງານ​ປະ​ກວດ “ປະດິດ​ສ້າງ​ໜຸ່ມ“ ທົ່ວ​ປະ​ເທດ​ຄັ້ງທີ 7

(ພາບ: An Hiếu/TTXVN))

(vovworld)- ​ ​ຕອນ​​ບ່າຍວັນ​ທີ 14/12, ຢູ່​ຮ່າ​​ໂນ້ຍ, ສູນ​ກາງ​ຄະນະ​ຊາວ​ໜຸ່ມ​ກອມ​ມູນິດ​​ໂຮ່ຈິ​ມິນ, ສູນ​ກາງ​ສະຫະພັນ​ຊາວ​ໜຸ່ມ​ຫວຽດນາມ, ສູນ​ກາງ​ສະມາຄົມ​ນັກທຸລະກິດ​ໜຸ່ມ​ຫວຽດນາມ ​ແລະ ມະຫາວິທະຍາ​ໄລ​ແຫ່ງ​ຊາດ​ຮ່າ​ໂນ້ຍ ສົມທົບ​ກັນ​ຈັດ​ລາຍການ​ໂອ້​ລົມ​ສົນທະນາ “ຊາວ​ໜຸ່ມ​ມີ​ຫົວຄິດປະດິດ​ສ້າງ​ກໍ່​ຮ່າງ​ສ້າງ​ຕົວ​ໃນ​ປະຊາ​ຄົມ​ເສດຖະກິດ​ອາ​ຊຽນ 2015“. ນະ​ທີ່​ນີ້, ບັນດາ​ແຂກ​ຖືກ​ເຊີນ​ໄດ້​ແບ່ງປັນ​ກັບ​ພວກ​ເພື່ອນ​ໜຸ່ມ​ກ່ຽວ​ກັບ​ກາລະ​ໂອກາດ, ສິ່ງ​ທ້າ​ທາຍ​ເມື່ອປະຊາ​ຄົມ​ເສດຖະກິດ​ອາ​ຊຽນຖືກ​ສ້າງຂຶ້ນ​ໃນ​ປີ 2015 ​ແລະ ​ເນັ້ນໜັກ​ວ່າ: ນັກທຸລະກິດ​ໜຸ່ມ ​ແລະ ຊາວ​ໜຸ່ມ​ຫວຽດນາມ ​ແມ່ນ​ກຳລັງ​ແຮງ​ງານ​ຕົ້ນຕໍ, ​ແມ່ນ​ກຳ​ລັງ​ຄຸ້ມ​ຄອງ​ເສດຖະກິດ​ຫຼັກ​ແຫຼ່ງ​ໃນ​ວິວັດ​ການ​ເຊື່ອມ​ໂຍງ. ກ່າວ​ຄຳ​ເຫັນ​ນະ​ທີ່​ນີ້, ທ່ານ​ຫວຸ້ຄວານ ອະດີດ​ຮອງ​ນາຍົກລັດຖະມົນຕີຫວຽດນາມ ​ເວົ້າວ່າ:

  “​​ເພື່ອ​ປະກອບສ່ວນ​ໃຫ້​ແກ່​ປະ​ເທດ​ຊາດ ​ແລະ ສ້າງຄວາມ​ຮັ່ງມີ​ໃຫ້​ແກ່​ຕົນ​​ເອງ, ຂ້າພະ​ເຈົ້າຄິດ​ວ່າ, ຢາກ​ກໍ່​ຮ່າງ​ສ້າງ​ຕົວ, ຕ້ອງ​ພະຍາຍາມ​ສຳ​ພັດ​ກັບ​ວັດທະນະທຳ​ປະດິດ​ສ້າງ. ​ໃນ​ການ​ກໍ່​ຮ່າງ​ສ້າງ​ຕົວ​ມີ​ສອງ​ວິທີ: ທີ 1 ​ແມ່ນ​ປະຕິ​ຮູບ​ສິ່ງ​ທີ່​ຢູ່ມີ​ແລ້ວ, ຍົກ​ລະດັບ​ເພື່ອ​ສ້າງຜະລິດ​ຕະພັນ​ໃໝ່ ​ແຕ່​ສິ່ງ​ສຳຄັນ​ແມ່ນ​ພວກ​ເຮົາ​ຕ້ອງເຮັດ​ໄດ້​ສິ່ງ​ທີ່​ແຕກ​ຕ່າງ​ຊື່​ງຕະຫຼາດ​ອື່ນ​ບໍ່​ມີ, ​ເຮັດ​ໄດ້ຄື​ແນວ​ນັ້ນ, ຈຶ່ງ​ມາດເປີດ​ກ້ວາງ​ຕະຫຼາດ​ ​ແລະ  ບື່ນຕົວ​ຂຶ້ນ​ໄດ້“./.