ຍົກສູງການພົວພັນຄູ່ຮ່ວມມືຍຸດທະສາດຫວຽດນາມ-ອິນເດຍ
ທ່ານນາຍົກລັດຖະມົນຕີ ຫງວຽນເຕີນຢູ້ງ ແລະ ພັນລະຍາ
(vovworld) - ໂດຍໄດ້ຮັບຄຳເຊີນຂອງທ່ານນາຍົກລັດຖະມົນຕີ ອິນເດຍ Narendra Modi, ຕອນເຊົ້າວັນທີ 27/10, ທ່ານນາຍົກລັດຖະມົນຕີ ຫງວຽນເຕີນຢູ້ງ ແລະ ພັນລະຍາ ພ້ອມກັບຄະນະຜູ້ແທນຂັ້ນສູງລັດຖະບານ ຫວຽດນາມ ເດີນທາງອອກຈາກນະຄອນຫຼວງ ຮ່າໂນ້ຍ ໄປຢ້ຽມຢາມ ອິນເດຍ ຢ່າງເປັນທາງການເປັນເວລາ 2 ວັນ. ການຢ້ຽມຢາມ ອິນເດຍ ຂອງທ່ານນາຍົກລັດຖະມົນຕີ ຫງວຽນເຕີນຢູ້ງ ເພື່ອແນໃສ່ຮັດແໜ້ນການພົວພັນທາງດ້ານການເມືອງທີ່ໄວ້ເນື້ອເຊື່ອໃຈ ແລະ ຊຸກຍູ້ການພົວພັນຄູ່ຮ່ວມມືຍຸດທະສາດ ຫວຽດນາມ - ອິນເດຍ ໃນທຸກຂົງເຂດກ່ວາອີກ, ພິເສດແມ່ນການຮ່ວມມືປ້ອງກັນປະເທດ, ເສດຖະກິດ, ການຄ້າ, ການລົງທຶນລະຫວ່າງ 2 ປະເທດ. ໃນຂອບເຂດການຢ້ຽມຢາມ ອິນເດຍຢ່າງເປັນທາງການ, ທ່ານນາຍົກລັດຖະມົນຕີ ຫງວຽນເຕີນຢູ້ງ ຈະພ້ອມກັບທ່ານນາຍົກລັດຖະມົນຕີ ອິນເດຍ Narendra Modi ປະຕິບັດຈຸດໝາຍຍົກວົງເງິນການຄ້າ 2 ຝ່າຍຈາກ 8 ຕື້ USD ໃນປະຈຸບັນຂຶ້ນເຖິງ 15 ຕື້ USD ໃນປີ 2020 ໃຫ້ປະກົດຜົນເປັນຈິງ, ຫັນແຫຼ່ງສະໜອງວັດຖຸວິບສົ້ນເຂົ້າໃຫ້ບັນດາຂະແໜງອຸດສາຫະກຳຢູ່ ຫວຽດນາມ ເປັນຫຼາຍຮູບຫຼາຍແບບ. ໃນການຢ້ຽມຢາມ ຫວຽດນາມ ໄລຍະມໍ່ມານີ້ຂອງທ່ານນາຍົກລັດຖະມົນຕີ ອິນເດຍ, 2 ຝ່າຍໄດ້ເຊັນບົດບັນທຶກຊ່ວຍຈຳນຳກັບ, ຕາມນັ້ນແລ້ວ, ອິນເດຍ ສະຫງວນໃຫ ຫວຽດນາມ ລະດັບສິນເຊື່ອ 100 ລ້ານ USD. ໃນການຮ່ວມມືດ້ານເສດຖະກິດ, ຫວຽດນາມ ໄດ້ສົ່ງອອກຜ່ານອິນເດຍ ເຄື່ອງຈັກ, ອຸປະກອນ, ເຄື່ອງອາໄຫຼ່… ເປັນຕົ້ນ. ການຢ້ຽມຢາມ ອິນເດຍ ຢ່າງເປັນທາງການຂອງທ່ານນາຍົກລັດຖະມົນຕີ ຫງວຽນເຕີນຢູ້ງ ກໍ່ຈະສຸມໃສ່ຍູ້ແຮງການຮ່ວມມືແທດຈິງລະຫວ່າງ 2 ປະເທດໃນຂົງເຂດວັດທະນະທຳ, ການສຶກສາ, ພິເສດແມ່ນການບຳລຸງສ້າງແຫຼ່ງຊັບພະຍາກອນມະນຸດທີ່ມີຄຸນນະພາບສູງໃນຫຼາຍຂົງເຂດຄື: ເຕັກໂນໂລຢີຂໍ້ມູນຂ່າວສານ, ເສດຖະກິດ, ກົດໝາຍ, ພາສາອັງກິດ, ຮັດແໜ້ນການຮ່ວມມືວັດທະນະທຳ, ສິລະປະ, ພົບປະແລກປ່ຽນປະຊາຊົນເພື່ອແນໃສ່ເພີ່ມທະວີຄວາມເຂົ້າອົກເຂົ້າໃຈເຊິ່ງກັນ ແລະ ກັນລະຫວ່າງ ປະຊາຊົນ 2 ປະເທດ. ທ່ານນາຍົກລັດຖະມົນຕີ ຫງວຽນເຕີນຢູ້ງ ຈະພ້ອມກັບບັນດາສະມາຊິກຂອງລັດຖະບານໃໝ່ ອິນເດຍແລກປ່ຽນບັນດາບັນຫາພາກພື້ນ ແລະ ສາກົນທີ່ຕ່າງຝ່າຍຕ່າງມີຄວາມສົນໃຈກໍ່ຄືເຫັນດີເປັນເອກະສັນຕໍ່ທັດສະນະ, ມາດຕະການເພື່ອແນໃສ່ເພີ່ມທະວີການຮ່ວມມືລະຫວ່າງ 2 ປະເທດດ້ວຍຄວາມຕັດສິນໃຈຮັກສາສັນຕິພາບ, ສະຖຽນລະພາບ, ການເຕີບໂຕ ແລະ ວັດທະນາຖາວອນຢູ່ ອາຊີ.