ໃນການເຈລະຈາທີ່ແກ່ຍາວມາເປັນເວລາກ່ວາ 10 ຊົ່ວໂມງ, ບັນດາເຈົ້າໜ້າທີ່ ຂອງສອງຝ່າຍໄດ້ປຶກສາຫາລືຫຼາຍບັນຫາທີ່ກ່ຽວຂ້ອງເຖິງລະບົບຄວບຄຸມການສົ່ງອອກຂອງແຕ່ລະປະເທດ, ລວມມີຂໍ້ກຳນົດກ່ຽວກັບບັນດາເຕັກໂນໂລຢີທີ່ສະດຸ້ງໄວ.

ຝ່າຍຍີ່ປຸ່ນໃຫ້ຮູ້ວ່າ ໄດ້ບັນລຸຄວາມຄືບໜ້າ ທີ່ດີ ແລະ ການເຈລະຈາຄັ້ງຕໍ່ໄປຈະໄດ້ດຳເນີນຢູ່ ເຊີອູນໃນ ເວລາອັນໃກ້ໆນີ້, ພ້ອມທັງຢັ້ງຢືນວ່າ ໃນສະພາບການຄວາມໝັ້ນຄົງຂອງ ໂລກຄືໃນປັດຈຸບັນ, ເລື່ອງຊຸກຍູ້ການຄວບຄຸມການສົ່ງອອກ, ເປັນຕົ້ນແມ່ນສິນຄ້າປະເພດທີ່ສະດຸ້ງໄວແມ່ນຈຳເປັນທີ່ສຸດ.

ສ່ວນກະຊວງການຄ້າ ສ.ເກົາຫຼີ ໃຫ້ຮູ້ວ່າ ສອງຝ່າຍໄດ້ບັນລຸ “ຄວາມຮັບຮູ້ລວມ” ແລະ ຕ້ອງປະຕິບັດການຄວມຄຸມລະບົບສົ່ງອອກໃຫ້ມີປະສິດທິຜົນ, ສືບຕໍ່ເຈລະຈາເພື່ອແກ້ໄຂບັນດາບັນຫາທີ່ພົ້ນເດັ່ນ.

ການພົບປະໄດ້ດຳເນີນກ່ອນຈັດກອງປະຊຸມສຸດຍອດ ເຊິ່ງໄດ້ຂຶ້ນແຜນຈາກທ່ານປະທານາທິບໍດີ ສ.ເກົາຫຼີ Moon Jae-in ແລະ ທ່ານນາຍົກລັດຖະມົນຕີ ຍີ່ປຸ່ນ Shinzo Abe ໃນອາທິດຈະມາເຖິງຢູ່ ປະເທດຈີນ, ເມື່ອ 3 ປະເທດເລີ່ມຕົ້ນການເຈລະຈາດ້ວຍຄວາມຫວັງຈະຊຸກຍູ້ການແກ້ໄຂບັນດາບັນຫາທີ່ພວມໂຕ້ຖຽງກັນ.