ທີ່ກອງປະຊຸມ (ພາບ: nhandan.vn)

        ຕະຫຼາດ Halal ແລະ ໂອກາດໃຫ້ແກ່ວິສາຫະກິດ ຫວຽດນາມ. ນີ້ແມ່ນຂໍ້ສັງເກດຂອງບັນດາຜູ້ແທນທີ່ເຂົ້າຮ່ວມກອງປະຊຸມ “ສົ່ງເສີມການຄ້າ ເພີ່ມທະວີການຂຸດຄົ້ນຕະຫຼາດຜະລິດຕະພັນ Halal ທົ່ວໂລກ”, ໂດຍກະຊວງອຸດສາຫະກຳການຄ້າ ຫວຽດນາມ ຈັດຂຶ້ນໃນວັນທີ 04 ເມສາ, ຢູ່ ຮ່າໂນ້ຍ.

        ຕາມບັນດາຜູ້ແທນແລ້ວ, ຕະຫຼາດ Halal ທົ່ວໂລກ ແມ່ນໜຶ່ງໃນບັນດາຕະຫຼາດມີຄວາມສາມາດບົ່ມຊ້ອນຢ່າງໃຫຍ່ຫຼວງຖ້າສັງເກດກ່ຽວກັບຂອບຂະໜາດ ແລະ ລະດັບເພີ່ມພົນລະເມືອງ, ລະດັບລາຍຈ່າຍ ແລະ ຄວາມເປັນຫຼາຍຮູບຫຼາຍແບບກ່ຽວກັບຂົງເຂດ ກໍຄືແງ່ຫວັງເຕີບໂຕນັບມື້ນັບເພີ່ມຂຶ້ນໃນອະນາຄົດ. ຕະຫຼາດນີ້ກໍ່ພວມເປີດໂອກາດດຳເນີນທຸລະກິດທີ່ເຕັມໄປດ້ວຍຄວາມຫວັງໃຫ້ແກ່ບັນດາວິສາຫະກິດຂອງ ຫວຽດນາມ. ເພື່ອສຳພັດກັບຕະຫຼາດນີ້, ບັນດາວິສາຫະກິດ ຫວຽດນາມ ບໍ່ພຽງແຕ່ຕ້ອງຕອບສະໜອງບັນດາຂໍ້ກຳນົດຢ່າງເຄັ່ງຄັດດ້ານມາດຕະຖານ, ມີໃບຢັ້ງຢືນທັນຍາຫານ Halal ເທົ່ານັ້ນ, ຫາກຍັງຕ້ອງຍົກສູງກຳລັງແກ່ງແຍ້ງອີກດ້ວຍ. ທ່ານຮອງລັດຖະມົນຕີກະຊວງອຸດສາຫະກຳການຄ້າ ຫງວຽນຊິງເຍີດເຕິນ, ໃຫ້ຮູ້ວ່າ:

        “ກະຊວງອຸດສາຫະກຳການຄ້າຈະໜູນຊ່ວຍດ້ານຄວາມຮູ້, ມາດຕະການແກ້ໄຂ, ວິທີເຮັດ. ກົມສົ່ງເສີມການຄ້າຂອງກະຊວງຈະຊອກຫາຂໍ້ມູນຕະຫຼາດ, ຖັນແຖວບັນດາຫ້ອງການການຄ້າສ້າງການເຊື່ອມຕໍ່ຕະຫຼາດ. ທາງກະຊວງກໍ່ຈະໜູນຊ່ວຍຜ່ານການເຂົ້າຮ່ວມງາມຕະຫຼາດນັດ, ງານວາງສະແດງ ເພື່ອຊອກຫາຄູ່ຮ່ວມມື, ແນະນຳຜະລິດຕະພັນ. ໃນໄລຍະຈະມາເຖິງ, ພວກເຮົາຈະສ້າງແຜນຮ່າງເພື່ອຈັດການຜັນຂະຫຍາຍໃຫ້ມີແບບມີແຜນ”.