ນາຍົກລັດຖະມົນຕີ ຟ້າມມິງຈິງ ສະເໜີກະກຽມລາຍຊື່ບັນດາປະເພດສິນຄ້າຄວນເຈລະຈາເພື່ອຫຼຸດອັດຕາພາສີລົງເປັນ 0%
(VOVWORLD) - ຕອນບ່າຍວັນທີ 5 ເມສານີ້, ຢູ່ສຳນັກງານລັດຖະບານ (ຮ່າໂນ້ຍ), ທ່ານນາຍົກລັດຖະມົນຕີ ຟ້າມມິງຈິງ ໄດ້ເປັນປະທານກອງປະຊຸມຄະນະປະຈຳລັດຖະບານກັບບັນດາກະຊວງ, ຂະແໜງການ ເພື່ອປຶກສາຫາລືບັນດາມາດຕະການແກ້ໄຂໃນສະເພາະໜ້າ ແລະ ຍາວນານ ພາຍຫຼັງທີ່ ອາເມລິກາ ປະກາດຈັດວາງອັດຕາພາສີສົມທົບສຳລັບສິນຄ້າສົ່ງອອກຂອງຫວຽດນາມ.
 ທ່ານນາຍົກລັດຖະມົນຕີ ຟ້າມມິງຈິງກ່າວຄຳເຫັນທີ່ການປະຊຸມ |
ການປະຊຸມໄດ້ມີຂຶ້ນພາຍຫຼັງທີ່ທ່ານ ເລຂາທິການໃຫຍ່ພັກກອມມູນິດຫວຽດນາມ ໂຕເລີມ ໄດ້ໂອ້ລົມທາງ ໂທລະສັບກັບປະທານາທິບໍດີ ອາເມລິກາເມື່ອວັນທີ 4 ເມສາ, ໃນນັ້ນ ໄດ້ສົ່ງສານ ພ້ອມແລ້ວຈະແລກປ່ຽນກັບ ອາເມລິກາເພື່ອ ນຳອັດຕາພາສີນຳເຂົ້າ ລົງເປັນ 0% ສຳລັບສິນຄ້ານຳເຂົ້າຈາກ ອາເມລິກາ; ພ້ອມກັນນັ້ນ, ສະເໜີໃຫ້ອາເມລິກາປະຕິບັດອັດຕາພາສີຄ້າຍຄືກັນສຳລັບສິນຄ້ານຳເຂົ້າຈາກຫວຽດນາມ.