ປະທານ Fed: ນະໂຍບາຍພາສີໃໝ່ ອາດຈະເຮັດໃຫ້ໄພເງິນເຟີ້ເພີ່ມຂຶ້ນ ແລະ ການເຕີບໂຕເສດຖະກິດ ອາເມລິກາ ຖືກຊັກຊ້າລົງ
(VOVWORLD) - ວັນທີ 04 ເມສາ, ທ່ານ Jerome Powell ປະທານທະນາຄານສູນກາງ ອາເມລິກາ (Fed) ໄດ້ກ່າວເຕືອນບັນດາມາດຕະການພາສີໃໝ່ທີ່ອາດຈະເຮັດໃຫ້ສະພາບໄພເງິນເຟີ້ ແລະ ການເຕີບໂຕເສດຖະກິດ ອາເມລິກາ ຊັກຊ້າລົງ.
 ທ່ານ Jerome Powell ປະທານທະນາຄານສູນກາງ ອາເມລິກາ (ພາບ:Reuters) |
ທ່ານ Jerome Powell ຖືວ່າ ຂອບຂະໜາດ ແລະ ຂອບເຂດຂອງບັນດາອັດຕາພາສີໃໝ່ ໂດຍທ່ານປະທານາທິບໍດີ ອາເມລິກາ Donald Trump ປະກາດ ແມ່ນສິ່ງເກີນຄິດ ແລະ ເຮັດໃຫ້ເພີ່ມຄວາມສ່ຽງເຮັດໃຫ້ສະພາບໄພເງິນເຟີ້ແກ່ຍາວ. ຄຳເຫັນຂອງທ່ານປະທານ Fed ໄດ້ຍົກອອກມາໃນສະພາບຕະຫຼາດອະສັງຫາລິມະຊັບຖືກຜົນກະທົບຢ່າງໃຫຍ່ຫຼວງຈາກບັນດາມາດຕະການພາສີຂອງທ່ານປະທານາທິບໍດີ ອາເມລິກາ Donald Trump. ທ່ານປະທານ ແລະ ເຈົ້າໜ້າທີ່ຫຼາຍທ່ານອື່ນຂອງ Fed ໄດ້ກ່າວເຕືອນເປັນຫຼາຍຄັ້ງວ່າ ພາສີນຳເຂົ້າສູງ ຈະສ້າງຄວາມຫຍຸ້ງຍາກໃຫ້ບັນດາອົງການນີ້ໃນການຫຼຸດອັດຕາດອກເບ້ຍທີ່ເຄີຍເພີ່ມຂຶ້ນເພື່ອຕ້ານໄພເງິນເຟີ້.
ຫຼັງຈາກນັ້ນ, ທ່ານປະທານາທິບໍດີ Donald Trump ໄດ້ຕຳໜິທ່ານປະທານ Fed ໃນສື່ສັງຄົມອອນໄລ ແລະ ກ່າວຫາທ່ານນຳໃຊ້ກົນອຸບາຍທາງການເມືອງເຂົ້າໃນພື້ນຖານເສດຖະກິດ.
ຟ້າມຮວັນ - ນັກຂ່າວ VOV ປະຈຳ ອາເມລິກາ