ຜູ້ຖືກບາດເຈັບຈາກເຫດແຜ່ນດິນໄຫວ ພວມປິ່ນປົວຢູ່ໂຮງໝໍ Sagaing, ມຽນມາ ໃນວັນທີ 1/4/2025 (ພາບ: THX/TTXVN)

ຕາມຕົວເລກສະຖິຕິຫຼ້າສຸດ ໂດຍສະຖານີວິທະຍຸ ແລະ ໂທລະພາບ ມຽນມາ ປະກາດໃນຕອນຄ່ຳວັນທີ 04 ເມສາ ແລ້ວ, ຈຳນວນຜູ້ເສຍຊີວິດໃນເຫດແຜ່ນດິນໄຫວທີ່ມີຄວາມແຮງ 7,7 ຣິກເຕີ ໃນທ້າຍອາທິດຜ່ານມາຢູ່ປະເທດນີ້ ແມ່ນ 3.301 ຄົນ, ໃນຂະນະນັ້ນ ມີຜູ້ຮັບບາດເຈັບເກືອບ 4.800 ຄົນ ແລະ ມີຜູ້ຫາຍສາບສູນກວ່າ 220 ຄົນ.

ເຫດແຜ່ນດິນໄຫວດັ່ງກ່າວ ບໍ່ພຽງແຕ່ທຳລາຍປະເທດ ມຽນມາ ເທົ່ານັ້ນ ຫາກຍັງສົ່ງຜົນກະທົບຕໍ່ຫຼາຍປະເທດບ້ານໃກ້ເຮືອນຄຽງ, ເຊັ່ນ: ບັງກະລາເທດ, ອິນເດຍ, ລາວ, ຈີນ ແລະ ໄທ. ພື້ນຖານໂຄງລ່າງສຳຄັນຂອງ ມຽນມາ ຖືກເປເພຢ່າງຮ້າຍແຮງ. ອຳນາດການປົກຄອງຂອງປະເທດນີ້ໄດ້ຜັນຂະຫຍາຍບັນດາມາດຕະການຮັບມືຢ່າງຮີບດ່ວນ, ໃນນັ້ນ ມີການສຳຜັດກັບບັນດາກ່ຳປັ່ນຂົນສົ່ງນ້ຳມັນເພື່ອຫຼຸດຜ່ອນສະພາບຂາດແຄນເຊື້ອເພີງ.

        ບັນດາກຳລັງກູ້ໄພກູ້ຊີບສາກົນຍັງສືບຕໍ່ມານະພະຍາຍາມຊອກຫາຜູ້ປະສົບເຄາະຮ້າຍ ແລະ ຫຼາຍປະເທດສືບຕໍ່ສະແດງຄວາມສາມັກຄີກັບ ມຽນມາ.