ທົ່ວປວງຊົນພ້ອມກັນກະທຳເພື່ອຄວາມປອດໄພທາງຄົມມະນາຄົມ
(ພິທີອາໄລຫາຜູ້ເສຍຊີວິດຢ້ອນອຸບັດຕິເຫດທາງຄົມມະນາຄົມ)
(vovworld) – “ອາໄລຫາຜູ້ເສຍຊີວິດ - ເພື່ອຜູ້ຍັງມີຊີວິດ” ແມ່ນຂໍ້ມູນເຊິ່ງຄະນະກຳມະການຄວາມປອດໄພທາງຄົມມະນາຄົມແຫ່ງຊາດຍົກອອກມາ ທີ່ພິທີອາໄລຫາຜູ້ເສຍຊີວິດຢ້ອນອຸບັດຕິເຫດທາງຄົມມະນາຄົມ, ເຊິ່ງດຳເນີນໄປໃນຕອນຄໍ່າວັນທີ 16/11, ຢູ່ຮ່າໂນ້ຍ. ທ່ານຮອງນາຍົກລັດຖະມົນຕີ ຫງວຽນຊວນຟຸກ, ປະທານຄະນະກຳມະການຄວາມປອດໄພທາງຄົມມະນາຄົມປາດຖະໜາວ່າ, ປະຊາຊົນແຕ່ລະຄົນຕ້ອງມີການກະທຳເພື່ອຄວາມປອດໄພຂອງຜູ້ຍັງມີຊີວິດ, ເພື່ອການພັດທະນາລວມຂອງປະເທດຊາດ. ທ່ານຮອງນາຍົກລັດຖະມົນຕີ ຫງວຽນຊວນຟຸກ ເນັ້ນໜັກວ່າ.
“ຂ້າພະເຈົ້າຮຽກຮ້ອງໃຫ້ບັນດາອົງການຈັດຕັ້ງ, ວິສາຫະກິດຂັ້ນສູນກາງ ແລະ ທ້ອງຖິ່ນ ພ້ອມກັບປະຊາຊົນທຸກຊັ້ນວັນນະ ຕ້ອງເຮັດທຸກສິ່ງທຸກຢ່າງເພື່ອໃຫ້ຄົມມະນາຄົມຫວຽດນາມ ນັບມື້ນັບສີວິໄລກວ່າ, ປອດໄພກວ່າ. ຕ້ອງດຳລົງຊີວິດຢ່າງມີສະຕິ, ມີຄວາມຮັບຜິດຊອບຕໍ່ຕົນເອງ, ຄອບຄົວ ແລະ ສັງຄົມເພື່ອບໍ່ປະໃຫ້ເກີດບັນດາອຸບັດຕິເຫດອີກ. ພ້ອມກັນນັ້ນ, ພວກເຮົາຈົ່ງພ້ອມກັນແບ່ງປັນຄວາມເສຍຫາຍກັບຜູ້ຖືກອຸບັດຕິເຫດ ແລະ ຄອບຄົວຜູ້ຖືກອຸບັດຕິເຫດທາງຄົມມະນາຄົມ”.
ພິທີອາໄລຫາ ແມ່ນໜຶ່ງໃນບັນດາການເຄື່ອນໄຫວສະໜັບສະໜູນວັດໂລກອາໄລຫາບັນດາຜູ້ຖືກເສຍຊີວິດຍ້ອນອຸບັດຕິເຫດທາງຄົມມະນາຄົມປີ 2014.