ທ້ອງຖິ່ນຕ່າງໆໂຮມຊຸມນຸມສະໜັບສະໜູນວັນສິ່ງແວດລ້ອມສາກົນ
(ພາບປະກອບ)
(vovworld) – ດ້ວຍຫົວຂໍ້ “ຈົ່ງກະທຳເພື່ອສະກັດກັ້ນສະພາບນ້ຳທະເລຂຶ້ນສູງ”, ວັນສິ່ງແວດລ້ອມສາກົນປີ 2014 ໄດ້ເນັ້ນໜັກເຖິງຄວາມສຳຄັນຂອງວຽກງານປົກປັກຮັກສາສິ່ງແວດລ້ອມ, ຮັບມືກັນການປ່ຽນແປງຂອງດິນຟ້າອາກາດ ສຳລັບບັນດາເຂດທີ່ຖືກຜົນເສຍຫາຍຢ່າງງ່າຍດາຍຄືໝູ່ເກາະ ແລະ ບັນດາເຂດແຄມທະເລ.
ກ່າວຄຳເຫັນທີ່ງານໂຮມຊຸມນຸມ ລະດັບຊາດ ເຊິ່ງດຳເນີນໄປໃນຕອນເຊົ້າວັນທີ 05/06, ຢູ່ນະຄອນໂຮ່ຈິມິນ, ທ່ານຮອງນາຍົກລັດຖະມົນຕີ ຮ່ວາງຈູງຫາຍ ເນັ້ນໜັກວ່າ.
“ຂ້າພະເຈົ້າສະເໜີໃຫ້ອຳນາດການປົກຄອງທຸກຂັ້ນ ຍູ້ແຮງວຽກງານໂຄສະນາ, ຍົກສູງຄວາມຮັບຮູ້ຂອງປະຊາຄົມໃນການຂຸດຄົ້ນ, ນຳໃຊ້ແຫຼ່ງຊັບພະຍາກອນທຳມະຊາດຢ່າງມີປະສິດທິຜົນ ແລະ ເປັນເຈົ້າການປ້ອງກັນ, ຕ້ານໄພທຳມະຊາດ. ສືບຕໍ່ສ້າງໂຄງປະກອບພື້ນຖານເສດຖະກິດຄືນໃໝ່ຕາມທິດພັດທະນາຢ່າງເລິກເຊິ່ງ ແລະ ເພີ່ມທະວີແຫຼ່ງທຶນໃຫ້ແກ່ວຽກງານປົກປັກຮັກສາສິ່ງແວດລ້ອມ. ພົນລະເມືອງແຕ່ລະຄົນ ຕ້ອງຮ່ວມແຮງຮ່ວມໃຈ, ປົກປັກຮັກສາສິ່ງແວດລ້ອມ, ຕໍ່ສູ້ເພື່ອສັນຕິພາບ, ການພັດທະນາຢ່າງໝັ້ນຄົງ ແລະ ປົກປັກຮັກສາອະທິປະໄຕແຫ່ງຊາດ”.
ໃນຕອນເຊົ້າວັນດຽວກັນ, ຢູ່ນະຄອນຟານທ໋ຽດ, ການນຳແຂວງ ບິ່ງທ້ວນ ໄດ້ຮຽກຮ້ອງປະຊາຊົາພາຍໃນແຂວງ, ຮ່ວມມືກະທຳເພື່ອ “ສີຂຽວແຫ່ງສັນຕິພາບ ແລະ ພັດທະນາຢ່າງໝັ້ນຄົງ” ເພື່ອພາລະກິດປົກປັກຮັກສາສິ່ງແວດລ້ອມ ແລະ ທະເລ, ໝູ່ເກາະຂອງປະເທດຊາດ.