ທ່ານນາງປະທານສະພາແຫ່ງຊາດລາວຕີລາຄາສູງການຊ່ວຍເຫຼືອຂອງສະພາແຫ່ງຊາດຫວຽດນາມ
My Binh -
.jpg)
ທ່ານ ເຈີ່ນວັນຕຸ໊ຍ ຫົວໜ້າຄະນະແລະ ທ່ານ ນາງ ປານີ
ຢາທໍ່ຕູ້ ປະທານສະພາແຫ່ງຊາດລາວ
(ພາບ: ໝີບີງ)
(vovworld)- ໃນຂອບເຂດການຢ້ຽມຢາມ ແລະ ເຮັດວຽກ ຢູ່ລາວ, ຕອນເຊົ້າວັນທີ 14/7, ຄະນະຜູ້ແທນ ຄະນະປະຕິບັດງານສະມາຊິກສະພາແຫ່ງຊາດຫວຽດນາມ ໂດຍ ທ່ານ ເຈີ່ນວັນຕຸ໊ຍ ຫົວໜ້າຄະນະ ໄດ້ມີການເຮັດວຽກ ກັບ ທ່ານ ນາງ ປານີ ຢາທໍ່ຕູ້ ປະທານສະພາແຫ່ງຊາດລາວ. ນະທີ່ນີ້, ທ່ານ ນາງ ປານີ ຢາທໍ່ຕູ້ ປະທານສະພາແຫ່ງຊາດ ໄດ້ຊີ້ແຈ້ງວ່າ ຫວຽດນາມມີບົດຮຽນຫຼາຍ ໃນການເຄື່ອນໄຫວ ຂອງສະພາແຫ່ງຊາດ, ໃນຂະນະທີ່ສະພາແຫ່ງຊາດຊຸດທີ 8 ຂອງລາວ ກຳລັງຕັ້ງໜ້າ ຍົກສູງຄຸນນະພາບ ການເຄື່ອນໄຫວຂອງຕົນເອງ, ພິເສດແມ່ນໃນບັນຫາສ້າງກົດໝາຍ, ຍ້ອນແນວນັ້ນ ການຢ້ຽມຢາມ ຂອງຄະນະຜູ້ແທນຫວຽດນາມ, ກໍ່ຄືບັນດາບົດຮຽນ ທີ່ຄະນະຜູ້ແທນແບ່ງປັນໃນຄັ້ງນີ້ ຈະປະກອບສ່ວນຍົກສູງຄວາມສາມາດ ຂອງບັນດາສະມາຊິກສະພາແຫ່ງຊາດ ກໍ່ຄືບັນດາສະມາຊິກສະພາປະຊາຊົນ ຂັ້ນແຂວງ/ນະຄອນ ຂອງລາວ. ທ່ານ ນາງ ປານີ ຢາທໍ່ຕູ້ ປະທານສະພາແຫ່ງຊາດ ສະແດງຄວາມຂອບໃຈສະພາແຫ່ງຊາດຫວຽດນາມ ທີ່ໄດ້ສົ່ງຄະນະມາ ເພື່ອຊ່ວຍເຫຼືອ ແລະ ແບ່ງປັນບົດຮຽນ ກັບລາວ; ສະແດງຄວາມປາດຖະໜາວ່າ: ໃນໄລຍະຈະມາເຖິງ ຄະນະປະຕິບັດງານສະມາຊິກສະພາແຫ່ງຊາດຫວຽດນາມ ແລະ ຄະນະຜູ້ແທນສະຖາບັນຄົ້ນຄ້ວາສ້າງກົດໝາຍລາວ ຈະເພີ່ມທະວີການຮ່ວມມືຄົ້ນຄ້ວາ, ສົບທົບກັນຢ່າງແໜ້ນແຟ້ນກວ່າອີກ ເພື່ອຊ່ວຍໃຫ້ວຽກງານການສ້າງກົດໝາຍຂອງສອງສະພາແຫ່ງຊາດ ນັບມື້ນັບດີກວ່າເກົ່າ.
My Binh