ທ່ານ Claude Bartolone, ປະທານສະພາແຫ່ງຊາດ ຝລັ່ງ ແລະ
ທ່ານຫງວຽນແທງຟອງ, ປະທານຄະນະກຳມະການປະຊາຊົນນະຄອນ ໂຮ່ຈິມີນ
ພາບ:TTXVN
|
(vovworld)- ຕອນຄ່ຳວັນທີ 21/3, ຄະນະຜູ້ແທນຂັ້ນສູງສະພາແຫ່ງຊາດ ຝລັ່ງ ໂດຍທ່ານ Claude Bartolone, ປະທານສະພາແຫ່ງຊາດ ຝລັ່ງ ນຳຫນ້າ ໄດ້ເດີນທາງອອກຈາກນະຄອນ ໂຮ່ຈິມີນ ໄດ້ສິ້ນສຸດການຢ້ຽມຢາມຫວຽດນາມ ຢ່າງຈົບງາມ ຕາມຄຳເຊີນຂອງທ່ານປະທານສະພາແຫ່ງຊາດ ຫງວຽນຊີງຮຸ່ງ. ໃນການຢ້ຽມຢາມຫວຽດນາມ ແຕ່ວັນທີ 18-21/3/2016, ທ່ານປະທານສະພາແຫ່ງຊາດ ຝລັ່ງ Claude Bartolone ໄດ້ມີການເຈລະຈາກັບທ່ານ ຫງວຽນຊີງຮຸ່ງ, ປະທານສະພາແຫ່ງຊາດ ຫວຽດນາມ, ເຂົ້າຢ້ຽມຂ່ຳນັບທ່ານເລຂາທິການໃຫຍ່ ຫງວຽນຟູຈ້ອງ, ພົບປະກັບທ່ານຮອງນາຍົກລັດຖະມົນຕີ ຫງວຽນຊວນຟຸກ, ພົບປະ ແລະ ເຮັດວຽກກັບທ່ານ ຫງວຽນແທງຟອງ, ປະທານຄະນະກຳມະການປະຊາຊົນນະຄອນ ໂຮ່ຈິມີນ, ພົບປະກັບນັກຂ່າວຢູ່ສະຖານທູດ ຝລັ່ງ ແລະ ໄປຢ້ຽມຢາມທັດສະນີຍະພາບຂອງຫວຽດນາມ ຈຳນວນຫນຶ່ງ.
ທີ່ການເຈລະຈາແລະ ການພົບປະນັ້ນ, ສອງຝ່າຍ ໄດ້ຢືນຢັນ ນຳການພົວພັນຮ່ວມມືລະຫວ່າງສະພາແຫ່ງຊາດສອງປະເທດໃຫ້ຂຶ້ນສູ່ລະດັບສູງໃຫມ່, ນຳມາເຊິ່ງຜົນປະໂຫຍດໃຫ້ແກ່ປະຊາຊົນສອງປະເທດ ເພື່ອສັນຕິພາບ ແລະ ວັດທະນາຖາວອນໃນໂລກ. ສອງຝ່າຍມີຄວາມເຊື່ອໝັ້ນວ່າ ການຢ້ຽມຢາມຈະເປັນຂີດໝາຍສຳຄັນ ຍົກລະດັບການພົວພັນຮ່ວມມືລະຫວ່າງອົງການນິຕິບັນຍັດ ແລະ ປະກອບສ່ວນສຳຄັນນຳການພົວພັນຄູ່ຮ່ວມມືຍຸດທະສາດລະຫວ່າງສອງປະເທດໃຫ້ນັບມື້ນັບເຂົ້າສູ່ລວງເລິກ, ແທດຈິງ ແລະ ມີປະສິດທິຜົນກວ່າ.