ທ່ານພັນຄຳວິພາວັນຮອງປະທານປະເທດລາວຢ້ຽມຢາມແລະເຮັດວຽກຢູ່ແຂວງຮ໋າຍເຢືອງ
ທ່ານພັນຄຳວິພາວັນຮອງປະທານປະເທດລາວ
ຢ້ຽມຢາມແລະເຮັດວຽກຢູ່ແຂວງ ຮ໋າຍເຢືອງ
(ພາບສຳນັກຂ່າວສານຫວຽດນາມ)
(vovworld) – ຕອນບ່າຍວັນທີ 12/7, ຄະນະຜູ້ແທນຂັ້ນສູງຂອງພັກ, ລັດ ສປປ ລາວ ໂດຍ ທ່ານຮອງປະທານປະເທດລາວ ພັນຄຳ ວິພາວັນ ນຳໜ້າໄດ້ໄປຢ້ຽມຢາມ ແລະ ເຮັດວຽກ ຢູ່ແຂວງຮ໋າຍເຢືອງ. ກ່າວຄວາມເຫັນທີ່ການເຮັດວຽກ ກັບການນຳແຂວງຮ໋າຍເຢືອງ, ທ່ານຮອງປະທານປະເທດ ພັນຄຳ ວິພາວັນ ຢືນຢັນວ່າ: ຈະສືບຕໍ່ໂຄສະນາເຜີຍແຜ່ ເພື່ອຍົກສູງສະຕິຄວາມຮັບຮູ້ ໃຫ້ປະຊາຊົນ, ເປັນຕົ້ນແມ່ນຄົນລຸ່ນໜຸ່ມ ກ່ຽວກັບສາຍພົວພັນສາມັກຄີແບບພິເສດຢ່າງເລິກເຊິ່ງ ລະຫວ່າງ ສອງປະເທດ ຫວຽດນາມ-ລາວ. ທ່ານຮອງປະທານປະເທດລາວ ສະເໜີວ່າ: ຫວຽດນາມເວົ້າລວມ ແລະ ແຂວງຮ໋າຍເຢືອງ ເວົ້າສະເພາະ ຈະສືບຕໍ່ຮ່ວມມື, ໜູນຊ່ວຍລາວເວົ້າລວມ ແລະ ແຂວງວຽງຈັນເວົ້າສະເພາະ. ກໍ່ຄືໃນການຢ້ຽມຢາມ ແລະ ເຮັດວຽກ ຢູ່ແຂວງຮ໋າຍເຢືອງ, ຄະນະຜູ້ແທນຂັ້ນສູງຂອງພັກ, ລັດລາວ ຈະໄປຢ້ຽມຢາມເຂດອຸດສາຫະກຳ ດ້າຍອານ ແລະ ຟາມລ້ຽງສັດປີກ ທີ່ມີຂອບຂະໜາດໃຫຍ່ ຢູ່ນະຄອນຮ໋າຍເຢືອງ.