(vovworld) – ວັນທີ 10/1, ທ່ານຮອງນາຍົກລັດຖະມົນຕີຫວຽດນາມ ຫວູວັນນິນ ແລະ ຄະນະຜູ້ແທນຂັ້ນສູງລັດຖະບານຫວຽດນາມ ໄດ້ສິ້ນສຸດການຢ້ຽມຢາມເປັນເວລາ 3 ວັນຢູ່ ອິນເດຍ (ແຕ່ວັນທີ 7 – 10/1/2013), ຕາມຄຳເຊື້ອເຊີນຂອງລັດຖະບານ ອິນເດຍ. ທີ່ການເຈລະຈາ ກັບລັດຖະມົນຕີການຕ່າງປະເທດ ອິນເດຍ ທ່ານ Salman Khurshid ເມື່ອວັນທີ 9/1, ທ່ານຮອງນາຍົກລັດຖະມົນຕີ ຫວູວັນນິນ ຢັ້ງຢືນ ນະໂຍບາຍຢ່າງສະເໝີຕົ້ນສະເໝີປາຍຂອງຫວຽດນາມ ແມ່ນຍາມໃດກໍຖືການເພີ່ມທະວີການພົວພັນມິດຕະພາບທີ່ເປັນມູນເຊື້ອ ແລະ ຄູ່ຮ່ວມມືຍຸດທະສາດ ກັບອິນເດຍ ເປັນສຳຄັນ. 2 ຝ່າຍຢືນຢັນຄວາມຕັດສິນໃຈນຳສາຍພົວພັນຄູ່ຮ່ວມມືຍຸດທະສາດລະຫວ່າງ 2 ປະເທດໃຫ້ນັບມື້ນັບພັດທະນາຢ່າງແທດຈິງ ແລະ ມີປະສິດທິຜົນກ່ວາອີກ. ບົນຈິດໃຈນັ້ນ, 2 ຝ່າຍເຫັນດີເປັນເອກະພາບກັນຈະສ້າງຕັ້ງ ຄະນະກຳມະການປະສົມ ກ່ຽວກັບການຄ້າໂດຍໄວ, ລົງນາມສັນຍາກ່ຽວກັບການມອບໂອນຜູ້ຖືກຕັດສິນລົງໂທດ, ສັນຍາການບິນປີ 1993 ສະບັບເພີ່ມເຕີມ, ສັນຍາໜູນຊ່ວຍຍຸດຕິທຳໃນຂົງເຂດພົນລະເຮືອນ ແລະ ຂໍ້ຕົກລົງຮ່ວມມືລະຫວ່າງກະຊວງຍຸຕິທຳຫວຽດນາມ ແລະ ອິນເດຍ, ເພີ່ມທະວີການຮ່ວມມືໃນຂົງເຂດປ້ອງກັນຊາດ, ວັດທະນະທຳ, ການສຶກສາ ແລະ ພົວພັນແລກປ່ຽນປະຊາຊົນ, ສູ້ຊົນຍົກວົງເງິນການຄ້າ 2 ປະເທດໃຫ້ຂຶ້ນ 7 ຕື້ USD ໃນປີ 2015. 2 ຝ່າຍກໍ່ໄດ້ຢັ້ງຢືນເຖິງຄວາມສຳຄັນຂອງການຮັກສາສັນຕິພາບ, ສະຖຽນລະພາບ, ຄວາມໝັ້ນຄົງ ແລະ ຄວາມປອດໄພທາງທະເລ ແລະ ສິດໄດ້ສຳພັດກັບແຫຼ່ງຊັບພະຍາກອນຢູ່ທະເລຕາເວັນອອກ. ບັນດາຝ່າຍທີ່ກ່ຽວຂ້ອງຢູ່ທະເລຕາເວັນອອກ ຄວນລະງັບໃຈ ແລະ ຫຼີກລ້ຽງການນຳໃຊ້ກຳລັງ ອາວຸດ ຫຼື ນາບຂູ່ນຳໃຊ້ກຳລັງອາວຸດ, ແກ້ໄຂການພິພາດກັນຜ່ານການດເຈລະຈາສັນຕິພາບ ແລະ ລລ
ອີງໃສ່ກົດໝາຍສາກົນ, ພິເສດແມ່ນສົນທິສັນຍາສະຫະປະຊາຊາດ ກ່ຽວກັບກົດໝາຍວ່າດ້ວຍທະເລ (ຫຼື UNCLOS) ປີ 1982, ຖະແຫຼງການ 6 ຂໍ້ຂອງ ອາຊຽນ ກ່ຽວກັບບັນຫາທະເລຕາເວັນອອກ, ປະຕິບັດ DOC ແລະ ມຸ້ງໄປເຖິງການສ້າງ COC.