ທ່ານເລຂາທິການໃຫ່ຍ ສປຊ ຮຽກຮ້ອງການ ເຈລະຈາຢູ່ໄທ
(ພາບປະກອບ: .baomoi.com)
(vovworld)- ພາຍຫລັງທີ່ສານລັດຖະທຳມະນູນໄທໄດ້ອອກຄຳຕັດສິນບົດຕຳແໜ່ງທ່ານນາງ ຍິ່ງຮັກ ຊິນນະວັດ ນາຍົກລັດຖະມົນຕີຊົ່ວຄາວໄທ ແລະ ສະມາຊິກລັດຖະບານ 9 ທ່ານເມື່ອວັນທີ 5/5, ຊື່ງຖືກກ່າວຫາວ່າສວຍໃຊ້ ແລະ ລະເມີດລັດຖະທຳມະນູນ, ທ່ານບານກີມູນ ເລຂາທິການໃຫ່ຍ ສປຊ ໄດ້ຮຽກຮ້ອງທຸກໆຝ່າຍຢູ່ໄທຕ້ອງຮ່ວມມືກັນຊອກຫາມາດຕະການຜ່ານການເຈລະຈາ.
ໃນວັນດຽວກັນ, ອາເມລິກາ ໄດ້ຮຽກຮ້ອງໃຫ້ຝ່າຍຕ່າງໆຢູ່ໄທຈົ່ງຢຸດຕິການໃຊ້ຄວາມຮຸນແຮງພາຍຫຼັງຄຳຕັດສິນຂອງສານ, ແກ້ໄຂຄວາມເຄັ່ງຕຶງດ້ານການເມືອງໂດຍສັນຕິວິທີ ແລະ ປະຊາທິປະໄຕ ເພື່ອໃຫ້ປະຊາຊົນສານມາດເລືອກຕັ້ງຄະນະການນຳທີ່ເໝາະສົມ.
ໃນຂະນະນັ້ນ, ວັນທີ 8/5, ກຳລັງແຫ່ຂະບວນປະທ້ວງຕ້ານລັດຖະບານຂອງນາຍົກລັດຖະມົນຕີ ຍິ່ງຮັກ ຊິນນະວັດ ໃນຫຼາຍເດືອນຜ່ານມາໄດ້ປະກາດຈະແຕ່ຕັງລັດຖະບານໃໝ່ ພາຍຫຼັງທີ່ທ່ານນາງ ຍິ່ງຮັກ ຊິນນະວັດ ແລະ ບັນດາສະມາຊິກລັດຖະບານຖືກບົດຕຳແໜ່ງ. ສ່ວນຜູ້ສະໜັບສະໜູນທ່ານນາງ ຍິ່ງຮັກ ຊິນນະວັດ ກໍ່ປະກາດຈະຈັດການແຫ່ຂະບວນປະທ້ວງຂະໜາດໃຫ່ຍໃນວັນທີ 10/5 ຈະມາເຖິງ./.