ຕະຫຼາດບົນແມ່ນ້ຳຢູ່ເກິ່ນເທີ
(ພາບ ອິນເຕີແນດ)
(vovworld) - ຈຳນວນນັກທ່ອງທ່ຽວສາກົນມາ ເກິ່ນເທີ ໄດ້ເພີ່ມຂຶ້ນຢ່າງວ່ອງໄວ ໃນໂອກາດບຸນປີໃໝ່ສາກົນ 2013. ຢູ່ສະຖານທີ່ບັນເທິງຕ່າງໆມີນັກທ່ອງທ່ຽວທັງຢູ່ພາຍໃນ ແລະ ຕ່າງປະເທດມາຢ້ຽມຢາມເປັນຈຳນວນຫຼວງຫຼາຍ. ບັນດາສະຖານທີ່ດຶງດູດນັກທ່ອງທ່ຽວມາຢ້ຽມຢາມຫຼາຍທີ່ສຸດນັ້ນແມ່ນຕະຫຼາດເທິງແມ່ນ້ຳ ກ໋າຍຮັງ, ເຂດທ່ອງທ່ຽວ ມີ້ແຄ໋ງ, ເຮືອນສວນ ແລະ ຕະຫຼາດເກົ່າ. ເອື້ອຍ ຕ້າທິແທງທູຍ, ຜູ້ນຳທ່ຽວຂອງບໍລິສັດທ່ອງທ່ຽວ ອ໋າດົງ (ອາຊີຕາເວນອອກ), ໃຫ້ຮູ້ວ່າ:
”ແຂກທ່ອງທ່ຽວມາຈາກຕ່າງປະເທດມັກທ່ອງທ່ຽວຢູ່ຕາມລຳແມ່ນ້ຳ ແລະ ສວນໝາກໄມ້ທີ່ສຸດ. ເພາະວ່າຕະຫຼາດເທິງແມ່ນ້ຳຢູ່ຕ່າງປະເທດບໍ່ມີ. ດັ່ງນັ້ນ, ມາແຫ່ງນີ້ ເຂົາເຈົ້າມີຄວາມເຂົ້າໃຈຕື່ມກ່ຽວກັບການດຳລົງຊີວິດຂອງປະຊາຊົນໃນເຂດຕາເວັນຕົກພາກໃຕ້ຫວຽດນາມ”
ຢູ່ທ່າກຳປັ່ນທ່ອງທ່ຽວ ນິງກ່ຽວ, ຈຳນວນນັກທ່ອງທ່ຽວໄປມາໃນຕອນເຊົ້າວັນທີ 30/12 ໄດ້ເພີ່ມຂຶ້ນທົບ 2 ເທົ່າ ເມື່ອທຽບໃສ່ຊຸມມື້ກ່ອນນີ້. ຄາດວ່າ, ຈຳນວນນັກທ່ອງທ່ຽວມາຢ້ຽມຢາມ ເກິ່ນເທີ ໃນຊຸມມື້ນີ້ຈະສືບຕໍ່ເພີ່ມຂຶ້ນ.