(ພາບ:baomoi.com)
(vovworld)-ໂຄງການເຊື່ອມຕໍ່ທະນາຄານ ແລະ ວິສາຫະກິດແມ່ນຮູບແບບໃໝ່ຂອງນະຄອນໂຮ່ຈີ່ມິນ ແລະ ກໍ່ແມ່ນໂຄງການ ເພື່ອແນໃສ່ປະຕິບັດມະຕິ ເລກທີ 02 ຂອງລັດຖະບານກ່ຽວກັບກົນໄກນະໂຍບາຍເງິນຕາແລະ ປ່ອຍສິນເຊື່ອໃຫ້ວິສາຫະກິດກູ້ຢືມ. ທີ່ກອງປະຊຸມສະຫຼຸບຈັດຂຶ້ນໃນຕອນເຊົ້າ ວັນທີ 27/02, ຄະນະກຳມະການປະຊາຊົນນະຄອນໂຮ່ຈີ່ມິນໃຫ້ຮູ້ວ່າ : ຜ່ານໜຶ່ງປີແຫ່ງການປະຕິບັດ,ບັນດາທະນາຄານການຄ້າຢູ່ນະຄອນໂຮ່ຈີ່ມິນໄດ້ສ້າງເງື່ອນໄຂໃຫ້ບັນດາວິສາຫະກິດກູ້ຢືມເງິນເກືອບ 130.000 ຕື້ດົ່ງ,ປະກອບສ່ວນແກ້ໄຂຄວາມຫຍຸ້ງຍາກໃຫ້ແກ່ວິສາຫະກິດເພື່ອການຟື້ນຕົວ ແລະ ຊຸກຍູ້ການຜະລິດ,ດຳເນີນທຸລະກິດ. ປີ 2014, ທະນາຄານແຫ່ງລັດສາຂານະຄອນໂຮ່ຈີ່ມິນ ສູ້ຊົນຈະຈັດຕັ້ງການເຊື່ອມຕໍ່ລະຫວ່າງທະນາຄານ ແລະ ບັນດາວິສາຫະກິດໃຫ້ກູ້ຢືມເງິນກວ່າ 20.000 ຕື້ດົ່ງ. ກ່າວຄຳເຫັນທີ່ກອງປະຊຸມ ທ່ານ ຫງວຽນວັນບີ່ງ, ຜູ້ວ່າການທະນາຄານແຫ່ງລັດຫວຽດນາມ,ຕີລາຄາສູງຕໍ່ກັບໂຄງການນີ້ ແລະ ຈະຜັນຂະຫຍາຍຢ່າງກວ້າງຂວາງໃນທົ່ວປະເທດ.
“ບົນພື້ນຖານໝາກຜົນຢ່າງຕັ້ງໜ້າຂອງໂຄງການເຊື່ອມຕໍ່ທະນາຄານ-ວິສາຫະກິດ,ທະນາຄານໃດປະຕິບັດໄດ້ດີແລ້ວ ແມ່ນທະນາຄານນັ້ນຕ້ອງສືບຕໍ່ເສີມຂະຫຍາຍ. ສ່ວນທະນາຄານທີ່ຍັງບໍ່ໄດ້ປະຕິບັດຕ້ອງຄົ້ນຄວ້າຜ່ານພຶດຕິກຳຕົວຈິງຂອງໂຄງການ ແລະ ຈົດທະບຽນກັບນະຄອນໂຮ່ຈີ່ມິນເຊັນສັນຍາໃຫ້ວິສາຫະກິດກູ້ຢືມ”
ທີ່ກອງປະຊຸມ,ຕາງໜ້າຂອງວິສາຫະກິດຫຼາຍແຫ່ງໄດ້ປະກອບຄຳເຫັນຕີລາຄາສູງປະສິດທິຜົນຂອງໂຄງການໃນໄລຍະຜ່ານມາ.