(vovworld) - ປີ 2013, ນະຄອນ ຫາຍຟ່ອງ ໄດ້ວາງຄາດໝາຍດຶງດູດເງິນລົງທຶນຈາກຕ່າງປະເທດໃຫ້ໄດ້ປະມານ 1,5 ຕື້ USD. ເພື່ອບັນລຸໄດ້ຄາດໝາຍດັ່ງກ່າວ, ນະຄອນ ຫາຍຟ່ອງ ຈະສ້າງເງື່ອນໄຂອຳນວຍຄວາມສະດວກໃຫ້ແກ່ບັນດານັກລົງທຶນ ກ່ຽວກັບພື້ນຖານໂຄງລ່າງ, ໜ້າພຽງ ແລະ ລະບຽບການບໍລິຫານ... ນະຄອນມີແຜນນະໂຍບາຍດຶງດູດບັນດາກຸ່ມບໍລິສັດ, ວິສາຫະກິດໃຫຍ່ເຄື່ອນໄຫວໃນຂົງເຂດເຕັກໂນໂລຢີສູງ, ບັນດາໂຄງການນຳໃຊ້ແຫຼ່ງຊັບພະຍາກອນປະຢັດ, ບໍ່ກໍ່ມົນລະພິດສິ່ງແວດລ້ອມ. ທ່ານນາງ ເຈີ່ນທິຫາຍອ໋ຽນ, ຫົວໜ້າຫ້ອງການເສດຖະກິດການຕ່າງປະເທດ ຂຶ້ນກັບພະແນກແຜນການ ແລະ ການລົງທຶນນະຄອນ ຫາຍຟ່ອງ ໃຫ້ຮູ້ວ່າ:
“ນະຄອນ ຫາຍຟ່ອງ ຈະສືບຕໍ່ປັບປຸງສະພາບແວດລ້ອມແຫ່ງການລົງທຶນ, ໃນນັ້ນ ເອົາໃຈໃສ່ເປັນພິເສດບັນດາຂອດປະຕິຮູບດ້ານການບໍລິຫານ, ລົງທຶນກໍ່ສ້າງພື້ນຖານໂຄງລ່າງ ແລະ ບັນດາປະໂຫຍດອື່ນໆ. ຄຽງຄູ່ກັນນັ້ນ, ຈະຍົກສູງຄຸນນະພາບແຫຼ່ງຊັບພະຍາກອນມະນຸດ ເພື່ອເຮັດແນວໃດດຶງດູດບັນດານັກລົງທຶນໃໝ່ ກໍ່ຄື ເບິ່ງແຍງດູແລບັນດານັກລົງທຶນທີ່ໄດ້ລົງທຶນຢູ່ນະຄອນ. ໄປຄຽງຄູ່ກັບການດຶງດູດການລົງທຶນເຂົ້ານະຄອນ, ພວກຂ້າພະເຈົ້າກໍ່ໄດ້ສົ່ງເສີມບັນດານັກວິສາຫະກິດຂອງນະຄອນລົງທຶນອອກຕ່າງປະເທດ, ຄົ້ນຄ້ວາບັນດາຕະຫຼາດມີຄວາມສາມາດບົ່ມຊ້ອນຄື ມຽນມາ, ລາວ.”