ນາຍົກລັດຖະມົນຕີຫງວຽນຊວນຟຸກຊີ້ນຳການປະຕິບັດສຳເລັດຄາດໝາຍເສດຖະກິດສັງຄົມ
ທ່ານນາຍົກລັດຖະມົນຕີ ຫງວຽນຊວນຟຸກເປັນປະທານກອງປະຊຸມສະໄໝສາມັນປະຈຳເດືອນ 6 ຂອງລັດຖະບານ |
ກ່າວຄຳເຫັນທີ່ພິທີອັດກອງປະຊຸມສະໄໝສາມັນປະຈຳເດືອນ 6 ຂອງລັດຖະບານເມື່ອຕອນບ່າຍວັນທີ 1/7, ທ່ານນາຍົກລັດຖະມົນຕີ ຫງວຽນຊວນຟຸກ ເນັ້ນໜັກວ່າ ນ້ຳໃຈຮ່ວມຂອງພັກ, ລັດ, ລັດຖະບານ, ນາຍົກລັດຖະມົນຕີ ແມ່ນເສີມຂະຫຍາຍກຳລັງແຮງສັງລວມຂອງທັງລະບົບການເມືອງ ມານະພະຍາຍາມສູ້ຊົນບັນລຸລະດັບສູງສຸດທີ່ເປົ້າໝາຍໄດ້ວາງອອກ. ກ່ຽວກັບຄາດໝາຍເສດຖະກິດໃນປີນີ້, ທ່ານນາຍົກລັດຖະມົນຕີ ຫງວຽນຊວນຟຸກຢືນຢັນວ່າ ຫວຽດນາມຍັງຄົງສາມາດບັນລຸຄາດໝາຍເຕີບໂຕ 6,7%. ທ່ານນາຍົກລັດຖະມົນຕີ ຫງວຽນຊວນຟຸກຕີລາຄາວ່າ ເສດຖະກິດໄລຍະ 6 ເດືອນທ້າຍປີ ຍັງຄົງມີຄວາມສະດວກ. ບັນດາແຂວງ, ນະຄອນທີ່ເປັນສູນກາງເສດຖະກິດ ກໍລ້ວນແຕ່ເຕີບໂຕດີ. ພ້ອມກັນນັ້ນ, ອຸດສາຫະກຳຜະລິດຍັງສາມາດໄດ້ທ່າເຕີບໂຕ. ເພື່ອບັນລຸໄດ້ບັນດາຕົວເລກຄາດໝາຍເສດຖະກິດສັງຄົມໃນປີນີ້, ທ່ານນາຍົກລັດຖະມົນຕີ ຫງວຽນຊວນຟຸກ ສະເໜີວ່າ :
“ ທີ 1 ແມ່ນຕ້ອງປົວແປງສະພາບແວດລ້ອມແຫ່ງການລົງທຶນດຳເນີນທຸລະກິດ, ບັນດາກະຊວງ, ຂະແໜງການ, ທ້ອງຖິ່ນຕ່າງໆ ຄວນປະຕິບັດບັນດາມະຕິຕົກລົງຂອງລັດຖະບານເປັນຢ່າງດີ. ທີ 2 ແມ່ນຕ້ອງຍູ້ໄວການປ່ອຍເງິນລົງທຶນ. ເລັ່ງໃສ່ຊ່ວຍເຫຼືອຊາວກະສີກອນຟື້ນຟູການຜະລິດກະສີກຳ, ພິເສດແມ່ນຢູ່ເຂດທົ່ງພຽງແມ່ນ້ຳຂອງທາງພາກໃຕ້ຫວຽດນາມ, ເຂດຕອນໃຕ້ພາກກາງ, ເຂດໄຕງວຽນ. ໜູນຊ່ວຍຊາວກະສີກອນພັດທະນາການຜະລິດ ບໍ່ພຽງແຕ່ແມ່ນເພື່ອພັດທະນາເທົ່ານັ້ນ, ຫາກຍັງເພື່ອສະຖຽນລະພາບສັງຄົມ ແລະ ເພື່ອຊີວິດສັງຄົມ ”