ນາຍົກລັດຖະມົນຕີຫງວຽນເຕີນຢູ້ງຕ້ອນຮັບປະທານ,ຜູ້ອຳນວຍການໃຫຍ່
ກຸ່ມບໍລິສັດDupont
(ພາບ: VGP/Nhật Bắc)
|
(vovworld) – ຕອນບ່າຍວັນທີ 20/5, ຢູ່ ຮ່າໂນ້ຍ, ທ່ານນາຍົກລັດຖະມົນຕີ ຫງວຽນເຕີນຢູ້ງ ໄດ້ໃຫ້ການຕ້ອນຮັບທ່ານນາງ Ellen Kullman, ປະທານທັງເປັນຜູ້ອຳນວຍການໃຫຍ່ປະສານງານກຸ່ມບໍລິສັດ Dupont, ປະເທດ ອາເມລິກາ, ຮັບຜິດຊອບກ່ຽວກັບຂົງເຂດກະສິກຳ ແລະ ເຕັກໂນໂລຢີທັນຍາຫານພວມມີການຢ້ຽມຢາມ ແລະ ເຮັດວຽກຢູ່ ຫວຽດນາມ. ທ່ານນາຍົກລັດຖະມົນຕີ ຫງວຽນເຕີນຢູ້ງ ຊົມເຊີຍໝາກຜົນແຫ່ງການເຮັດວຽກກໍ່ຄືຂໍ້ຕົກລົງທີ່ບັນລຸໄດ້ລະຫວ່າງກະຊວງກະສິກຳ ແລະ ພັດທະນາຊົນນະບົດກັບກຸ່ມບໍລິສັດ Dupont ໃນຂົງເຂດຜະລິດກະສິກຳ. ທ່ານນາຍົກລັດຖະມົນຕີ ຫງວຽນເຕີນຢູ້ງ ສະໜັບສະໜູນບັນດາລາຍການຮ່ວມມືຫວ່າງ 2 ຝ່າຍໃນເກືອບ 20 ປີແຫ່ງການເຄື່ອນໄຫວຢູ່ ຫວຽດນາມ ກໍ່ຄືບັນດາລາຍການ ແລະ ໂຄງການເຊິ່ງ Dupont ຜັນຂະຫຍາຍຢູ່ ຫວຽດນາມ ໃນໄລຍະຈະມາເຖິງ.
ສ່ວນທ່ານນາງ Ellen Kullman ຢັ້ງຢືນວ່າ: Dupont ຈະສືບຕໍ່ຮ່ວມມືກັບກະຊວງກະສິກຳ ແລະ ພັດທະນາຊົນນະບົດກໍ່ຄືບັນດາຄູ່ຮ່ວມມື ຫວຽດນາມ ໃນຂົງເຂດກະສິກຳ ແລະ ເຕັກໂນໂລຢີທັນຍາຫານ, ກໍ່ຄືການຮ່ວມມືລົງທຶນບັນດາໂຄງການກະສິກຳຂະໜາດໃຫຍ່ຢູ່ ຫວຽດນາມ.