ປະທານປະເທດເຈີນດ້າຍກວາງຢ້ຽມຢາມສະຖານທູດຫວຽດນາມປະຈຳສິງກະໂປ
(ທ່ານປະທານປະເທດເຈີນດ້າຍກວາງ
ຢ້ຽມຢາມສະຖານທູດຫວຽດນາມປະຈຳສິງກະໂປ)
(vovworld) - ໂດຍຮັບຄຳເຊີນຂອງທ່ານປະທານາທິບໍດີສິງກະໂປ Tony Tan Keng Yam, ຕອນບ່າຍວັນທີ 28/08, ທ່ານປະທານປະເທດ ເຈີນດ້າຍກວາງ ແລະ ພັນລະຍາ ພ້ອມກັບຄະນະຜູ້ແທນຂັ້ນສູງຫວຽດນາມ ເລີ່ມຕົ້ນການຢ້ຽມຢາມທາງລັດຖະກິດເຖິງ ສິງກະໂປ ໃນລະຫວ່າງວັນທີ 28 – 30/08. ພາຍຫຼັງໄປຮອດນະຄອນຫຼວງສິງກະໂປ, ທ່ານປະທານປະເທດ ເຈີນດ້າຍວາງ ໄດ້ມີການພົບປະກັບພະນັກງານ, ພາລະກອນສະຖານທູດຫວຽດນາມ ແລະ ປະຊາຄົມຊາວຫວຽດນາມ, ນັກສຶກສາຫວຽດນາມ ພວມດຳລົງຊີວິດ, ເຮັດວຽກ ແລະ ຮ່ຳຮຽນຢູ່ສິງກະໂປ, ທ່ານປະທານປະເທດ ເຈີນດ້າຍກວາງ ຕີລາຄາສູງບັນດາຄວາມມານະພະຍາຍາມຂອງສະຖານທູດຫວຽດນາມ ໃນການຜັນຂະຫຍາຍແນວທາງ, ນະໂຍບາຍຂອງພັກ ແລະ ລັດຫວຽດນາມ. ແຈ້ງໃຫ້ຊາບບາງຈຸດພົ້ນເດັ່ນກ່ຽວກັບສະພາບການປ້ອງກັນຄວາມສະຫງົບ, ການເມືອງ, ເສດຖະກິດສັງຄົມ ຂອງຫວຽດນາມ ຫວ່າງມໍ່ໆມານີ້.
ທ່ານປະທານປະເທດ ຢືນຢັນວ່າ, ແຜນນະໂຍບາຍ, ນະໂຍບາຍສະເໝີຕົ້ນສະເໝີປາຍຂອງຫວຽດນາມ ແມ່ນ, ຍາມໃດກໍ່ເຄົາລົບບັນດານ້ຳໃຈອັນສູງສົ່ງຂອງພໍ່ແມ່ປະຊາຊົນ ອວ່າຍເມືອຫາບ້ານເກີດເມືອງນອນ ແລະ ຍາມໃດກໍ່ເຄົາລົບພໍ່ແມ່ປະຊາຊົນຊາວຫວຽດນາມ ອາໄສຢູ່ຕ່າງປະເທດ. ທ່ານປະທານປະເທດ ເຈີນດ້າຍກວາງ ປາດຖະໜາວ່າ, ພະນັກງານ, ພາລະກອນສະຖານທູດຫວຽດນາມ ເວົ້າສະເພາະ ແລະ ປະຊາຄົມຊາວຫວຽດນາມ ທີ່ພວມຮ່ຳຮຽນ ແລະ ເຮັດວຽກຢູ່ສິງກະໂປ ເວົ້າລວມ, ຕ້ອງສືບຕໍ່ເພີ່ມທະວີຄວາມສາມັກຄີ, ສູ້ຊົນຈົນສຸດຄວາມສາມາດຂອງຕົນໃນວຽກງານ ແລະ ການຮ່ຳຮຽນ, ສືບຕໍ່ປະກອບສ່ວນປັບປຸງ ແລະ ຊຸກຍູ້ການພົວພັນມິດຕະພາບ ແລະ ການຮ່ວມມືອັນດີງາມລະຫວ່າງຫວຽດນາມ ແລະ ສິງກະໂປ.