ປະທານປະເທດ ເຈືອງເຕິ໋ນຊາງ ປະຕິບັດງານຢູ່ແຂວງກອນຕຸມ.

ວັນສຸກ ທີ 16 ມີນາ ຄ.ສ. 2012 | 14:58:16

ທ່ານປະທານປະເທữຢ້ຽມຢາມປ້ອມປ້ອງກັນຊາຍແດນ 707 (ພາບ:.kontum.gov.vn)

(vovworld) - ຕອນບ່າຍວັນທີ 15/3, ທ່ານປະທານປະເທດ ເຈືອງເຕິ໋ນຊາງ ໄດ້ໄປຢ້ຽມຢາມ ແລະ ເຮັດວຽກຢູ່ເມືອງ ຊາໄທ່, ແຂວງ ກອນຕຸມ. ທ່ານປະທານປະເທດ ເຈືອງເຕິ໋ນຊາງ ໄດ້ລົງກວດກາສະພາບການພັດທະນາເສດຖະກິດສັງຄົມ ແລະ ວຽກງານຮັບປະກັນຄວາມສະຫງົບປອດໄພຢູ່ຕາມເສັ້ນຊາຍແດນ ຫວຽດນາມ - ກຳປູເຈຍ, ຕອນຂຶ້ນກັບເມືອງ ຊາໄທ່. ເມື່ອໄປຢ້ຽມຢາມປ້ອມປ້ອງກັນຊາຍແດນ 707, ທ່ານປະທານປະເທດ ເຈືອງເຕິ໋ນຊາງ ໄດ້ແນະນຳໃຫ້ພະນັກງານ, ນັກຮົບປ້ອມປ້ອງກັນຊາຍແດນ 707 ຄວນປະຕິບັດວຽກງານຂົນຂວາຍປະຊາຊົນໃຫ້ດີກວ່າອີກ, ມີການພົວພັນຢ່າງໄກ້ສິດຕິດແທກກັບພໍ່ແມ່ປະຊາຊົນເພື່ອຮັກສາຄວາມສະຫງົບປອດໄພຢູ່ເຂດຊາຍແດນ ແລະ ກໍ່ສ້າງເສັ້ນຊາຍແດນ ຊາໄທ່ ໃຫ້ກາຍເປັນເສັ້ນຊາຍແດນແຫ່ງສັນຕິພາບ, ມິດຕພາບ ແລະພັດທະນາ.

ປະທານປະເທດ ເຈືອງເຕິ໋ນຊາງ ປະຕິບັດງານຢູ່ແຂວງກອນຕຸມ. - ảnh 2

ທ່ານປະທານປະເທດໄປຢ້ຽມຢາມໝູ່ບ້ານຊາວໜຸ່ມກໍ່ຮ່າງສ້າງຕົວ (ພາບ:.kontum.gov.vn)

”ກຳລັງປ້ອງກັນຊາຍແດນເຄີຍມີມູນເຊື້ອຊ່ວຍເຫຼືອປະຊາຊົນພັດທະນາເສດຖະກິດ, ສັງຄົມ, ລົບລ້າງຄວາມອຶດຫີວ, ຫຼຸດຜ່ອນຄວາມທຸກຍາກ. ເຂົາເຈົ້າໄດ້ນຳເອົາຄວາມຮູ້ທີ່ມີຢູ່ແລ້ວມາຊ່ວຍເຫຼືອປະຊາຊົນ. ເຂົ້າຮ່ວມການກໍ່ສ້າງລະບົບການເມືອງຮາກຖານ, ການພັດທະນາເສດຖະກິດ, ສັງຄົມ, ລົບລ້າງຄວາມອຶດຫີວຫຼຸດຜ່ອນຄວາມທຸກຍາກ. ພວກສະຫາຍຄວນພະຍາຍາມເສີມຂະຫຍາຍມູນເຊື້ອນີ້”

ພາຍຫຼັງໄປຢ້ຽມຢາມປ້ອມປ້ອງກັນຊາຍແດນ, 707, ທ່ານປະທານປະເທດ ເຈືອງເຕິ໋ນຊາງ ໄປຢ້ຽມຢາມໝູ່ບ້ານຊາວໜຸ່ມກໍ່ຮ່າງສ້າງຕົວຢູ່ເຂດຊາຍແດນ ໂມຮາຍ. ທ່ານປະທານໄດ້ແນະນຳໃຫ້ການນຳແຂວງກອນຕຸມ ແລະ ບັນດາຄອບຄົວປະຊາຊົນຢູ່ທີ່ນີ້, ຄວນສຸມໃສ່ສ້າງຮູບແບບໝູ່ບ້ານທີ່ເປັນແບບຢ່າງ ຕິດພັນກັບການສ້າງຮູບແບບຊົນນະບົດໃໝ່. ທ່ານກໍ່ໄດ້ໄປຢ້ຽມຢາມບໍລິສັດປູກຢາງພາລາ 78 ຢູ່ຕາແສງ Moorray ແລະຮັບຟັງການນຳເມືອງ ຊາໄທ່ ລາຍງານກ່ຽວກັບສະພາບການພັດທະນາເສດຖະກິດຂອງເມືອງ.