(vovworld) – ວັນທີ 8/2, ທ່ານປະທານປະເທດຫວຽດນາມ ເຈືອງເຕີນຊາງ ໄດ້ລົງຢ້ຽມຢາມ, ອວຍພອນປີໃໝ່ບັນດານັກປັນຍາຊົນ, ນັກປະພັນວັນນະຄະດີເນື່ອງໃນໂອກາດບຸນປີໃໝ່ ປີມະເສງ 2013. ເມື່ອພົບປະກັບນັກກະວີ ຮືວຖິງ (Huu Thinh) ແລະ ນັກປະພັນອາວຸໂສ ຫວູຕູ໋ນາມ (Vu Tu Nam), ທ່ານປະທານປະເທດ ເຈືອງເຕີນຊາງ ເນັ້ນໜັກວ່າ: ບໍ່ວ່າໃນໄລຍະພັດທະນາໃດໆຂອງປະເທດຊາດ ວັນນະຄະດີ, ສິລະປະຍາມໃດກໍ່ມີບົດບາດສຳຄັນພິເສດ, ບັນດານັກປັນຍາຊົນ, ນັກປະພັນວັນນະຄະດີແມ່ນນັກຮົບໃນສະໜາມຮົບວັດທະນະທຳ, ມີກຳລັງແຮງລະດົມກຳລັງໃຈ ແລະ ກຳນົດທິດສັງຄົມ ຢ່າງແທ້ຈິງ. ທ່ານປະທານປະເທດ ເຊື່ອໝັ້ນບັນດານັກປະພັນ ແລະ ນັກສິລະປະເວົ້າລວມຈະ ສືບຕໍ່ມີຫົວຄິດປະດິດສ້າງ, ປະກອບສ່ວນຢ່າງຕັ້ງໜ້າເຂົ້າໃນພາລະກິດປ່ຽນແປງໃໝ່, ໃຫ້ແກ່ການພັດທະນາຢ່າງຮອບດ້ານຂອງພັກ, ລັດ ແລະ ປະເທດຊາດຫຼາຍກ່ວາອີກ. ແລະກໍ່ໃນວັນດຽວກັນ, ທ່ານປະທານປະເທດ ໄດ້ໄປອວຍພອນປີໃໝ່ຄອບຄົວສາດສະດາຈານ, ດຣ ວິທະຍາສາດ ຟູ່ງໂຮ່ຫາຍ - ເຊ່ິງແມ່ນ ສາດສະດາຈານຂະແໜງຄະນິດສາດໜຸ່ມທີ່ຍັງໜຸ່ມທີ່ສຸດຂອງ ຫວຽດນາມ, ຮອງຫົວໜ້າສະຖາບັນຄະນິດສາດ ຫວຽດນາມ. ທ່ານປະທານປະເທດ ເຈືອງເຕີນຊາງ ຫວັງວ່າ: ສາດສະດາຈານ ຈະພ້ອມກັບຜູ້ຮ່ວມງານຢູ່ສະຖາບັນ ຄະນິດສາດຈະມີການຄົ້ນຄ້ວາທີ່ດີເພື່ອນຳສະຖາບັນຄະນິດສາດກາຍເປັນອູ່ບຳລຸງສ້າງບັນດານັກຄະນິດສາດ, ບັນດາຄູອາຈານເກັ່ງກ້າຂອງປະເທດຊາດ. ທ່ານປະທານປະເທດ ເນັ້ນໜັກວ່າ: ເພື່ອດຶງດູດບັນດານັກປັນຍາຊົນໜຸ່ມກັບເມືອປະເທດເຮັດວຽກ, ດ້ວຍນ້ຳໃຈ ເພື່ອປະເທດຊາດ ກໍ່ຕ້ອງມີນະໂຍບາຍອຸດໜູນເທົ່າທີ່ຄວນ, ດັ່ງນັ້ນບັນດາຂໍ້ຄົງຂ້າງດ້ວຍກົນໄກຈະໄດ້ຮັບການຄົ້ນຄ້ວາ, ແກ້ໄຂ ເພື່ອໃຫ້ປະເທດຊາດມີຜູ້ເກັ່ງກ້າສາມາດ, ສຸດຈິດສຸດໃຈອຸທິດສ່ວນໃຫ້ຂະແໜງວິທະຍາສາດຂອງປະເທດຊາດ.
ແລະກໍ່ໃນວັນດຽວກັນ, ທ່ານ ດິງເທ໋ຮິງ, ກຳມະການກົມການເມືອງ, ເລຂາສູນກາງພັກກອມມູນິດຫວຽດນາມ, ຫົວໜ້ຄະນະໂຄສະນາສຶກສາສູນກາງ ໄດ້ລົງຢ້ຽມຢາມ ແລະ ອວຍພອນປີໃໝ່ຄອບຄົວນັກປັນຍາຊົນ, ນັກປະພັນ, ນັກສິລະປິນຈຳນວນໜຶ່ງໃນບໍລິເວນ ນະຄອນຫຼວງ ຮ່າໂນ້ຍ.