ປະທານາທິບໍດີຄົນໃໝ່ຂອງຢູກແຣນສາບານຕົວເຂົ້າດຳລົງຕຳແໜ່ງ
ທ່ານ Poroshenko ໄດ້ສາບານຕົວເຂົ້າດຳລົງຕຳແໜ່ງ ປະທານາທິບໍດີຢູກແຣນ
(ພາບ:reuters)
|
(vovworld)-ພາຍຫຼັງໄດ້ຮັບໄຊຊະນະໃນການເລືອກຕັ້ງເມື່ອທ້າຍເດືອນ 5 ທີ່ຜ່ານມາ, ທ່ານ Pyotr Poroshenko ໄດ້ສາບານຕົວເຂົ້າດຳລົງຕຳແໜ່ງ ປະທານາທິບໍດີຢູກແຣນ, ຊຶ່ງໄດ້ໝັ້ນໝາຍຮັກສາຄວາມເປັນເອກະພາບຂອງປະເທດນີ້ຊຶ່ງພວມຖືກຕົກຢູ່ໃນວິກິດການ ແລະ ການປະທະກັນຢ່າງຮຸນແຮງນີ້. ພິທີສາບານຕົວເຂົ້າດຳລົງຕຳແໜ່ງໄດ້ຖືກຈັດຂຶ້ນເມື່ອວັນທີ 7/6 ຢູ່ກິແອບ ໂດຍມີການເຂົ້າຮ່ວມຂອງບັນດາການນຳຂັ້ນສູງທີ່ມາຈາກ 56 ປະເທດ ແລະ ບັນດາອົງການຈັດຕັ້ງສາກົນ.
ປະທານາທິບໍດີຄົນໃໝ່ຂອງຢູກແຣນ ທ່ານ Pyotr Poroshenko ຢືນຢັນວ່າ ໃນຖານະຕຳແໜ່ງໃໝ່ດ້ວຍໜ້າທີ່ຮັບຜິດຊອບຢ່າງໜັກໜ່ວງນັ້ນ, ລັດຖະບານ ກີແອບ ຈະຮັບປະກັນບັນດາສິດ ແລະ ຄວາມເສລີຂອງປະຊາຊົນຢູກແຣນ, ເຄົາລົບລັດຖະທຳມະນູນ ແລະ ກົດໝາຍ, ໄປຄຽງຄູ່ກັບການຍົກສູງອິດທິພົນຊື່ສຽງຂອງປະເທດຊາດ. ທ່ານປະທານາທິບໍດີຄົນໃໝ່ຢູກແຣນ Pyotr Poroshenko ໃຫ້ຮູ້ວ່າ ຈະລົງນາມໃນພາກເນື້ອໃນເສດຖະກິດໃນສັນຍາຮ່ວມສຳພັນກັບສະຫະພາບເອີລົບ ແລະ ຖືວ່າ ສັນຍານີ້ແມ່ນບາດກ້າວເດີນທຳອິດໃນວິວັດທະນາການກາຍເປັນສະມາຊິກສົມບູນຂອງສະຫະພາບເອີລົບ.