ປະທານາທິບໍດີຢູແກຼນ ຮຽກຮ້ອງຈັດການເລືອກຕັ້ງສະພາແຫ່ງຊາດກ່ອນກຳນົດເວລາໃນເດືອນກໍລະກົດຈະມາເຖິງ
(VOVWORLD) -ຕາມລັດຖະດຳລັດເຊິ່ງໄດ້ປະກາດໃນວັນທີ 21 ພຶດສະພາ, ທ່ານປະທານາທິບໍດີຄົນໃໝ່ຢູແກຼນ Volodymir Zelensky ໄດ້ຮຽກຮ້ອງໃຫ້ຈັດຕັ້ງການເລືອກຕັ້ງສະພາແຫ່ງຊາດກ່ອນກຳນົດເວລາໃນວັນທີ 21 ກໍລະກົດຈະມາເຖິງ.
|
 ທ່ານປະທານາທິບໍດີຢູແກຼນ Volodymir Zelensky
(ພາບ: AFP/TTXVN)
|
ກ່ອນໜ້ານັ້ນ 1 ວັນ, ທ່ານ Volodymir Zelensky ໄດ້ເຂົ້າພິທີສາບານຕົວຮັບດຳລົງຕຳແໜ່ງເປັນປະທານາທິບໍດີຢູແກຼນ. ກ່າວຄຳເຫັນທີ່ພິທີສາບານຕົວຮັບດຳລົງຕຳແໜ່ງ, ທ່ານ Volodymir Zelensky ໄດ້ຖະແຫຼງຍຸບເລີກສະພາແຫ່ງຊາດຊຸດທີ 8.
ເລື່ອງຍຸບເລີກສະແຫ່ງຊາດໄດ້ຮັບຖືວ່າ ແມ່ນບາດກ້າວເດີນຢ່າງແຮງ ແລະ ແມ່ນຍຸດທະສາດຂອງທ່ານ Volodymir Zelensky ໃນສະພາບທີ່ ພັກໃໝ່ຂອງປະທານາທິບໍດີຄົນໃໝ່ ບໍ່ມີຜູ້ຕາງໜ້າໃນສະພາແຫ່ງຊາດ, ເຄີຍຖືກບັນດາກຳລັງທີ່ມີຄວາມຈົ່ງຮັກພັກດີຕໍ່ທ່ານອະດີດປະທານາທິບໍດີ Poroshenko ຢຶດເອົາທ່າໄດ້ປຽບ.