ທ່ານປະທານາທິບໍດີ Burundi Evariste Ndayishimiye (ພາບ: Reuters)

ໂດຍຕອບຮັບຄຳເຊື້ອເຊີນຂອງທ່ານປະທານປະເທດ ຫວຽດນາມ ເລືອງເກື່ອງ ແລະ ພັນລະຍາ, ທ່ານປະທານາທິບໍດີ Burundi Evariste Ndayishimiye ແລະ ພັນລະຍາໄດ້ເລີ່ມຕົ້ນການຢ້ຽມຢາມ ຫວຽດນາມຢ່າງເປັນທາງການໃນລະຫວ່າງວັນທີ 3 – 6 ເມສາ 2025. ນີ້ແມ່ນຂີດໝາຍປະຫວັດສາດໃນການພົວພັນສອງປະເທດ, ສະແດງໃຫ້ເຫັນວ່າສອງປະເທດປາດຖະໜາຢາກເພີ່ມທະວີການພົວພັນມິດຕະພາບກ່ວາອີກໃນບັນດາຂົງເຂດການເມືອງ, ເສດຖະກິດ, ການຄ້າ, ວັດທະນະທຳ ແລະ ສັງຄົມ. ຫວຽດນາມ ແລະ Burundi ສ້າງຕັ້ງການພົວພັນທາງການທູດແຕ່ວັນທີ 16 ເມສາ 1975. ນັບແຕ່ນັ້ນມາຮອດປັດຈຸບັນ, ການພົວພັນຮ່ວມມືສອງຝ່າຍນັບມື້ນັບພັດທະນາ. ໃນສະພາບການສອງປະເທດຍັງບໍ່ທັນເປີດອົງການຕາງໜ້າ, ເລື່ອງຈັດສົ່ງກົງສູນກິດຕິມະສັກ ຫວຽດນາມ ໄປປະຈຳຢູ່ Burundi ໃນປີ 2024 ແມ່ນສິ່ງສະແດງໃຫ້ເຫັນຄວາມປາດຖະໜາຢາກຊຸກຍູ້ການຮ່ວມມືດ້ານເສດຖະກິດ, ການທ່ອງທ່ຽວ, ວັດທະນະທຳ ແລະ ການພົບປະແລກປ່ຽນປະຊາຊົນສອງປະເທດ.