ທ່ານປະທານປະເທດເຈືອງເຕີນຊາງ ເຂົ້າຮ່ວມ
ພິທີເປີດສະຫຼອງເຂດອະນຸສອນສະຖານ-ໂຮງຮຽນປະຖົມຫງວຽນຫຶ໋ວທໍ້
(ພາບ:ຂ່າວສານຫວຽດນາມ)
(VOV)- ວັນທີ 8/12, ທ່ານປະທານປະເທດເຈືອງເຕີນຊາງ ແລະ ຄະນະປະຕິບັດງານສູນກາງໄດ້ໄປຢ້ຽມຢາມ ແລະ ເຮັດວຽກຢູ່ແຂວງລາຍເຈົາ. ກ່າວຄຳເຫັນທີ່ພິທີເປີດສະຫຼອງເຂດອະນຸສອນສະຖານ-ໂຮງຮຽນປະຖົມຫງວຽນຫຶ໋ວທໍ້ ຢູ່ຕາແສງເມືອງແຕ, ເມືອງເມືອງແຕ ຊື່ງແມ່ນແຫ່ງທີ່ທະນາຍຄວາມ, ປະທານແນວໂຮມປົດປ່ອຍຊາດພາກໃຕ້ຫວຽດນາມ, ນັກປັນຍາຊົນຜູ້ຮັກຊາດ, ນັກເຄື່ອນໄຫວການເມືອງ ແລະ ສັງຄົມຫງວຽນຫຶ໋ວທໍ້ ເຄີຍເຄືອ່ນໄຫວປະຕິວັດ, ທ່ານປະທານປະເທດເຈືອງເຕີນຊາງ ເນັ້ນໜັກວ່າ: ການເປີດສະຫຼອງເຂດອະນຸສອນສະຖານ-ໂຮງຮຽນປະຖົມຫງວຽນຫຶ໋ວທໍ້ ໄດ້ສະແດງໃຫ້ເຫັນຄວາມຮູ້ບຸນຄຸນ ແລະ ເຄົາລົບນັບຖືຂອງປະຊາຊົນທີ່ມີຕໍ່ຜູ້ມີບຸກຄະລິກກະພາບ, ນັກປະຕິວັດຫງວຽນຫຶ໋ວທໍ້:
“ຊີວິດຂອງທະນາຍຄວາມຫງວຽນຫຶ໋ວທໍ້ ແມ່ນແບບຢ່າງດີເດັ່ນ, ທ່ານໄດ້ທຳການຕໍ່ສູ້ຢ່າງບໍ່ຮູ້ອິດຮູ້ເມືອຍ ແລະ ອຸທິດສ່ວນຊີວິດຂອງຕົນໃຫ້ແກ່ພາລະກິດສ້າງຄວາມເປັນເອກະລາດແຫ່ງຊາດ ແລະ ລັດທິສັງຄົມນິຍົມ. ການກໍ່ສ້າງກິດຈະກຳເຂດອະນຸສອນສະຖານ-ໂຮງຮຽນປະຖົມຫງວຽນຫຶ໋ວທໍ້ ແມ່ນມີຄວາມໝາຍມີ່ສຸດ, ແມ່ນການສຶກສາອົນຮົມມູນເຊື້ອຮັກຊາດ, ເຈດຈຳນົງປະຕິວັດໃຫ້ແກ່ລຸ້ນຫຼັງ“