(vovworld) – ວັນທີ 25/02, ຢູ່ຮ່າໂນ້ຍ, ກະຊວງການຕ່າງປະເທດຫວຽດນາມ ໄດ້ຈັດພິທີລົງນາມໃນຂໍ້ກຳນົດສົມທົບວຽກງານລະຫວ່າງກະຊວງການຕ່າງປະເທດ ແລະ ຄະນະພົວພັນຕ່າງປະເທດສູນກາງ ແລະ ພິທີມອບຫຼຽນໄຊ “ເພື່ອພາລະກິດການທູດຫວຽດນາມ” ໃຫ້ບັນດາການນຳຄະນະພົວພັນຕ່າງປະເທດສູນກາງ. ກ່່າວຄຳເຫັນທີ່ພິທີ, ທ່ານຮອງນາຍົກລັດຖະມົນຕີ, ລັດຖະມົນຕີວ່າການກະຊວງການຕ່າງປະເທດ ຟ້າມບິ່ງມິງ ເນັ້ນໜັກວ່າ, ກະຊວງການຕ່າງປະເທດ ແລະ ຄະນະພົວພັນຕ່າງປະເທດສູນກາງ ຍາມໃດກໍສົມທົບກັນຢູ່ທຸກຂັ້ນຢ່າງແໜ້ນແຟ້ນ ແລະ ທຸກວຽກງານໃນຊຸມປີຜ່ານມາ, ປະກອບສ່ວນສຳຄັນເພື່ອຮັບປະກັນບັນດາການເຄື່ອນໄຫວພົວພັນຕ່າງປະເທດຂອງພັກ ແລະ ລັດ ເຊິ່ງໄດ້ຮັບການຜັນຂະຫຍາຍຢ່າງຄົບຊຸດ, ມີິປະສິດທິຜົນ ແລະ ຮອບດ້ານ. ເຫດການນີ້ແມ່ນການຫັນການສົມທົບກັນເປັນລະບອບລະບຽບການລະຫວ່າງ 2 ອົງການ, ແມ່ນພື້ນຖານດ້ານກົດໝາຍເພື່ອສ້າງຄວາມສະດວກໃຫ້ບັນດາຫົວໜ່ວຍຂອງກະຊວງການຕ່າງປະເທດ ແລະ ຄະນະພົວພັນຕ່າງປະເທດສູນກາງ ເພີ່ມທະວີການຮ່ວມມືຢ່າງມີປະສິດທິຜົນ, ປະຕິບັດໜ້າທີ່ການທູດເຊິ່ງພັກ ແລະ ລັດມອບໝາຍໃຫ້ຢ່າງມີໄຊ.