ພິທີສະເຫຼີມສະຫຼອງ 65 ປີ ແຫ່ງວັນສ້າງຕັ້ງສະມາຄົມນັກຂ່າວຫວຽດນາມ
ທ່ານ ດິງເທ້ຮິງ ຫົວໜ້າຄະນະໂຄສະນາສຶກສາສູນກາງ ແລະ ທ່ານ ວູ້ດຶກດາມ ຮອງນາຍົກລັດຖະມົນຕີ ຖ່າຍຮູບພ້ອມກັບ ບັນດາຜູ້ແທນໄດ້ຮັບໃບຍ້ອງຍໍ |
(vovworld)- ພິທີສະເຫຼີມສະຫຼອງ 65 ປີ ແຫ່ງວັນສ້າງຕັ້ງສະມາຄົມນັກຂ່າວຫວຽດນາມ ແລະ ກອງປະຊຸມແຂ່ງຂັນທົ່ວປະເທດ ສະມາຄົມນັກຂ່າວຫວຽດນາມ ໄດ້ຖືກຈັດຂຶ້ນໃນວັນທີ 20/4 ຢູ່ຮ່າໂນ້ຍ. ກ່າວຄຳເຫັນທີ່ ພິທີສະເຫຼີມສະຫຼອງ, ທ່ານ ດິງເທ້ຮິງ ຫົວໜ້າຄະນະໂຄສະນາສຶກສາສູນກາງ ໄດ້ທົບທວນຄືນວິວັດການສ້າງຕັ້ງ ແລະ ຂະຫຍາຍຕົວຂອງ ສະມາຄົມນັກຂ່າວຫວຽດນາມ ແລະ ຢືນຢັນວ່າ ໃນບັນດາຜົນງານລວມຂອງສື່ມວນຊົນປະຕິວັດຫວຽດນາມ ໃນຕະຫຼອດຫຼາຍສິບປີທີ່ຜ່ານມາ ແມ່ນມີການປະກອບສ່ວນຢ່າງໃຫຍ່ຫຼວງຂອງ ສະມາຄົມນັກຂ່າວຫວຽດນາມ. ທ່ານ ດິງເທ້ຮິງ ຫົວໜ້າຄະນະໂຄສະນາສຶກສາສູນກາງ ເນັ້ນໜັກວ່າ :
“ສະມາຄົມນັກຂ່າວຫວຽດນາມ ຄວນສືບຕໍ່ຍົກສູງບົດບາດ, ຄຸນນະພາບ ແລະ ປະສິດທິຜົນການເຄື່ອນໄຫວຂອງ ສະມາຄົມນັກຂ່າວຂັ້ນຕ່າງໆ. ລະອຽດແມ່ນໄດ້ປະຕິບັດໜ້າທີ່ກໍ່ສ້າງ ແລະ ຂະຫຍາຍຖັນແຖວບັນດາຜູ້ເຮັດວຽກງານສື່ມວນຊົນ, ເຊີດຊູຄວາມຮັບຜິດຊອບສັງຄົມ, ພັນທະພົນລະເມືອງຂອງ ບັນດາຜູ້ເຮັດວຽກງານສື່ມວນຊົນ, ຍູ້ແຮງການຮ່ຳຮຽນ ແລະ ເຮັດຕາມແບບຢ່າງຄຸນສົມບັນປະທານໂຮ່ຈິມິນ. ປະຄິບັດ 2 ໜ້າທີ່ຍຸດທະສາດ ສ້າງສາ ແລະ ປົກປັກຮັກສາປະເທດຊາດ, ປົກປັກຮັກສາອະທິປະໄຕ ແລະ ຜືນແຜ່ນດິນອັນຄົບຖ້ວນຂອງປະເທດຊາດ, ຕໍ່ສູ້ຢ່າງບໍ່ຜ່ອນສັ້ນຜ່ອນຍາວກັບກົນອຸບາຍເລ່ຫຼຽມຂອງອິດທິກຳລັງເປັນປໍລັກປັກ ”