ພົບປະສັງສັນກັບແບບຢ່າງດີເດັ່ນຂອງບໍລິສັດໃຫຍ່ອຸດສາຫະກຳເຄມີບໍ່ແຮ່
ທ່ານນາງຮອງປະທານປະເທດ ຫວຽດນາມ ຫງວຽນທິຢວານ ທີ່ການຕ້ອນຮັບ
(ພາບ: Nguyễn Hằng - VOV)
|
(vovworld) – ຕອນເຊົ້າວັນທີ 3/4, ທີສຳນັກງານປະທານປະເທດ, ທ່ານນາງຮອງປະທານປະເທດ ຫວຽດນາມ ຫງວຽນທິຢວານ ມີການພົບປະສັງສັນກັບບັນດາຜູ້ແທນເຊິ່ງແມ່ນພະນັກງານຫຼັກແຫຼ່ງ ແລະ ບຸກຄົນດີເດັ່ນໃນຂະບວນການແຂ່ງຂັນຮັກຊາດຂອງບໍລິສັດໃຫຍ່ອຸດສາຫະກຳເຄມີບໍ່ແຮ່, ກຸ່ມບໍລິສັດຖ່ານຫີນ - ຊັບພະຍາກອນໂລຫະ ຫວຽດນາມ. ຜູ້ແທນ 50 ຄົນເຂົ້າຮ່ວມການພົບປະສັງສັນແມ່ນບັນດາພະນັກງານຜູ້ດີເດັ່ນ, ທີ່ຕາງໜ້າໃຫ້ແກ່ພະນັກງານ, ກຳມະກອນ 4.500 ຄົນຂອງບໍລິສັດໃຫຍ່ອຸດສາຫະກຳເຄມີບໍ່ແຮ່, ກຸ່ມບໍລິສັດຖ່ານຫີນ - ຊັບພະຍາກອນໂລຫະ ຫວຽດນາມ. ທີ່ການພົບປະ, ທ່ານນາງຮອງປະທານປະເທດ ຫງວຽນທິຢວານ ເນັ້ນໜັກວ່າ: ໃນສະພາບການປະເທດຊາດເຊື່ອມໂຍງຢ່າງເລິກເຊິ່ງ, ກ້ວາງຂວາງ, ບໍລິສັດໃຫຍ່ຕ້ອງກຳແໜ້ນກາລະໂອກາດ, ສ້າງໂຄງປະກອບວິສາຫະກິດຄືນໃໝ່, ປ່ຽນໃໝ່ເຕັກໂນໂລຢີເໝາະສົມກັບສະພາບການພັດທະນາໃໝ່, ບຳລຸງສ້າງແຫຼ່ງຊັບພະຍາກອນມະນຸດ, ຍົກສູງສະມັດຕະພາບ, ປະສິດທິຜົນແຮງງານ.ທ່ານນາງຮອງປະທານປະເທດ ຫງວຽນທິຢວານ ກໍ່ສະເໜີໃຫ້ບໍລິສັດໃຫຍ່ອຸດສາຫະກຳເຄມີບໍ່ແຮ່ຕັ້ງໜ້າ ປະຕິບັດຮູບແບບການຜະລິດໃຫ້ສົມບູນແບບ, ສືບຕໍ່ສ້າງຊົນຊັ້ນກຳມະກອນໃນໄລຍະຫັນເປັນອຸດສາຫະກຳ, ທັນສະໄໝ.