(vovworld) - ວັນທີ 20/6, ສະມາຄົມມິດຕະພາບຫວຽດນາມ - ກຳປູເຈຍ ສົມທົບກັບສະຫະພັນບັນດາອົງການມິດຕະພາບຫວຽດນາມ ຈັດຕັ້ງງານພົບປະກັບສື່ມວນຊົນ ເນື່ອງໃນໂອກາດປີແຫ່ງຄວາມມິດຕະພາບຫວຽດນາມ - ກຳປູເຈຍ. ເຂົ້າຮ່ວມການພົບປະມີທ່ານ ປະທານສະມາຄົມມິດຕະພາບຫວຽດນາມ - ກຳປູເຈຍ Vu Mao. ທ່ານ ປະທານສະມາຄົມມິດຕະພາບຫວຽດນາມ - ກຳປູເຈຍ Vu Mao ໃຫ້ຮູ້ວ່າ: ພ້ອມກັບບັນດາການເຄື່ອນໄຫວພົວພັນຕ່າງປະເທດຂອງພັກ, ລັດ ແລະ ລັດຖະບານ, ໃນຕະຫຼອດໄລຍະ 45 ປີຜ່ານມາ, ສະມາຄົມມິດຕະພາບຫວຽດນາມ - ກຳປູເຈຍ ຍາມໃດກໍປະຕິບັດວຽກງານຊຸກຍູ້ສາຍພົວພັນລະຫວ່າງ 2 ປະເທດເປັນຢ່າງດີ, ດ້ວຍບັນດາການກະທຳທີ່ລະອຽດ, ພິເສດຖືເປັນສຳຄັນການເຄື່ອນໄຫວມິດຕະພາບລະຫວ່າງບັນດາແຂວງໃນເຂດຊາຍແດນຫວຽດນາມ - ກຳປູເຈຍ. ນະທີ່ນີ້, ທ່ານ Vu Mao ໄດ້ຊີ້ແຈ້ງວ່າ: ສະມາຄົມມິດຕະພາບຫວຽດນາມ - ກຳປູເຈຍ ພັດທະນາຢ່າງເຂັ້ມແຂງຄືປະຈຸບັນແມ່ນມີການປະກອບສ່ວນບໍ່ໜ້ອຍຂອງບັນດາອົງການສື່ມວນຊົນ. ທ່ານ Vu Mao ເນັ້ນໜັກວ່າ:
“ບັນດາພາຫະນະສື່ມວນຊົນ ສວມບົດບາດສຳຄັນເພື່ອໂຄສະນາບັນດາເນື້ອໃນ, ວຽກງານຂອງສະມາຄົມມິດຕະພາບຫວຽດນາມ - ກຳປູເຈຍ ເພື່ອໃຫ້ປະຊາຊົນ 2 ປະເທດໄດ້ຮັບຊາບ ແລະ ເຂົ້າໃຈໄດ້, ກໍຄືປະກອບສ່ວນເພີ່ມທະວີນ້ຳໃຈມິດຕະພາບຫວຽດນາມ - ກຳປູເຈຍ. ສື່ມວນຊົນ ແລະ ກໍແມ່ນຊ່ອງສື່ສານເພື່ອໃຫ້ປະຊາຊົນຕິດຕາມບັນດາການເຄື່ອນໄຫວຂອງສະມາຄົມ, ເພີ່ມເຕີມ, ປະກອບຄຳເຫັນເພື່ອໃຫ້ສະມາຄົມເຄື່ອນໄຫວຢ່າງຕັ້ງໜ້າກ່ວາ.”
ເນື່ອງໃນໂອກາດນີ້, ສະມາຄົມຫວຽດນາມ - ກຳປູເຈຍໄດ້ສະເໜີຕົວວາລະຊົນ ເພື່ອສະເຫຼີມສະຫຼອງ 45 ປີແຫ່ງວັນສ້າງຕັ້ງສາຍພົວພັນທາງການທູດລະຫວ່າງຫວຽດນາມ - ກຳປູເຈຍ.