ທ່ານຫງວຽນເຕີນຢູງທີ່ກອງປະຊຸມ
(ພາບ: gafin.vn)
(vovworld)- ສືບຕໍ່ລາຍການຂອງກອງປະຊຸມສະໄໝສາມັນປະຈຳເດືອນ 1/2013 ຂອງລັດຖະບານ, ວັນທີ 30/1, ໂດຍພາຍໃຕ້ການເປັນປະທານທ່ານນາຍົກລັດ ຖະມົນຕີຫວຽດນາມ ຫງວຽນເຕີນຢູງ, ລັດຖະບານໄດ້ພິຈາລະນາ, ປຶກສາຫາລືກ່ຽວກັບຮ່າງກົດໝາຍ, ລັດຖະບັນຍັດ 7 ສະບັບ, ລວມມີ: ກົດໝາຍວ່າດ້ວຍການປັບປຸງ, ເພີ່ມເຕີມບາງຂໍ້ມາດຕາຂອງກົດໝາຍວ່າດ້ວຍການແຂ່ງຂັນຍ້ອງຍໍ, ກົດໝາຍວ່າດ້ວຍການປັບປຸງ, ເພີ່ມເຕີມບາງຂໍ້ມາດຕາຂອງກົດໝາຍວ່າດ້ວຍການປ້ອງກັນ ແລະ ຕ້ານໄຟໄໝ້; ກົດໝາຍວ່າດ້ວຍການປັບປຸງ, ເພີ່ມເຕີມບາງຂໍ້ມາດຕາຂອງກົດໝາຍວ່າດ້ວຍອາກອນລາຍຮັບວິສາຫະກິດ, ກົດໝາຍວ່າດ້ວຍການປັບປຸງ, ເພີ່ມເຕີມບາງຂໍ້ມາດຕາຂອງກົດໝາຍວ່າດ້ວຍອາກອນມູນຄ່າເພີ່ມ; ກົດໝາຍວ່າດ້ວຍການຕ້ອນຮັບພົນລະເມືອງ, ລັດຖະບັນຍັດກ່ຽວກັບວຽກງານປ້ອງກັນຊາດຢູ່ບັນດາກະຊວງ, ອົງການທຽບເທົ່າກະຊວງ, ອົງການຂຶ້ນກັບລັດຖະບານ ແລະ ທ້ອງຖິ່ນຕ່າງໆ. ລັດຖະບັນຍັດກ່ຽວກັບການປັບປຸງ, ເພີ່ມເຕີມບາງຂໍ້ມາດຕາຂອງລັດຖະບັນຍັດກ່ຽວກັບການຄຸ້ມຄອງ, ນຳໃຊ້ອາວຸດ, ທາດລະເບີດ ແລະ ເຄື່ອງມືໜູນຊ່ວຍ. ເມື່ອເຕື້ອງເຖິງກົດໝາຍວ່າດ້ວຍການປັບປຸງ, ເພີ່ມເຕີມບາງຂໍ້ມາດຕາຂອງກົດໝາຍວ່າດ້ວຍອາກອນລາຍຮັບວິສາຫະກິດ, ທ່ານນາຍົກລັດ ຖະມົນຕີຫວຽດນາມ ຫງວຽນເຕີນຢູງ ຖືວ່າ: ນີ້ແມ່ນກົດໝາຍທີ່ມີການກະທົບໃຫ່ຍຫຼວງຕໍ່ສັງຄົມ ແລະ ສຳລັບການເຄື່ອນໄຫວດຶງດູດ ແລະ ຊຸກຍູ້ການລົງທຶນຢູ່ພາຍໃນ ແລະ ຕ່າງປະເທດ. ທ່ານເນັ້ນໜັກວ່າ:
“ໃນການປັບປຸງເພິ່ມເຕີ່ມກົດໝາຍຄັ້ງນີ້, ພວກເຮົາວາງອອກຄຳຮຽກຮ້ອງໃຫ່ຍຫຼວງ ເພື່ອຮັບໃຊ້ໃຫ້ແກ່ການສ້າງໂຄງປະກອບເສດຖະກິດຄຶນໃໝ່, ຫັນປ່ຽນຮູບແບບເຕີບໂຕຕາມທິດລົງທຶນເຂົ້າລວງເລິກ, ເສີມຂະຫຍາຍກະສິກຳຊົນນະບົດ, ເຕັກໂນໂລຊີສູງ. ທີສອງແມ່ນດຶງດູດເງິນລົງທຶນຕ່າງປະເທດ ແລະ ຍົກສູງກຳລັງແກ່ງແຍ້ງເພື່ອບໍ່ຖືກຖອຍຫຼັງ. ການປັບປຸງເພິ່ມເຕີ່ມກົດໝາຍຄັ້ງນີ້ຕ້ອງຄິດໄລ່ເຖິງຈຸດໝາຍແກ້ໄຂບັນດາຂໍ້ຈຳກັດນີ້“
ກ່າວຄຳເຫັນສະຫລຸບ, ທ່ານນາຍົກລັດຖະມົນຕີຫວຽດນາມ ຫງວຽນເຕີນຢູງ ສະເໜີໃຫ້ບັນດາກະຊວງ, ຂະແໜງການຈົ່ງຮັບຟັງຄຳເຫັນຂອງບັນດາສະມາຊິກລັດຖະບານ, ສ້າງບັນດາຮ່າງກົດໝາຍສຳເລັດໂດຍໄວເພື່ອຍື່ນສະເໜີຕໍ່ສະພາແຫ່ງຊາດ.