(vovworld) – ວັນທີ 2/4, ຜູ້ຕາງໜ້າຂອງລັດເຊຍປະຈຳອົງການ ນາໂຕ Alexander Grushko ຖະແຫຼງວ່າ : ລັດເຊຍຈະປະຕິບັດທຸກໆມາດຕະການດ້ານການເມືອງ ແລະ ເຕັກນິກ - ການທະຫານທີ່ຈຳເປັນເພື່ອປ້ອງກັນຄວາມສະຫງົບຂອງປະເທດຊາດ ຕໍ່ໜ້າຄຳຕັດສິນຂອງ ນາໂຕເພື່ອທະວີການປະຈຳການດ້ານການທະຫານຢູ່ບັນດາປະເທດເອີລົບຕາເວັນອອກ ແລະ Baltic ຕິດກັບລັດເຊຍ.
ຖະແຫຼງການດັ່ງກ່າວໄດ້ຍົກອອກມາພາຍຫຼັງກອງປະຊຸມລັດຖະມົນຕີການຕ່າງປະເທດ ນາໂຕ ຢູ່ ບຣຸກແຊນ ປະເທດແບນຊິກ, ໃນນັ້ນ ນາໂຕ ຕົກລົງເພີ່ມທະວີຄວາມສາມາດປ້ອງກັນຕົວຂອງບັນດາປະເທດສະມາຊິກ, ພ້ອມທັງຊຸກຍູ້ການເຄື່ອນໄຫວດ້ານການທະຫານຢູ່ທາງທິດຕາເວັນອອກຄື : ຣູມາເນັຍ, ໂປໂລ່ຍ ແລະ ບັນດາປະເທດ Baltic. ຕາມທ່ານ Grushko, ນາໂຕ ໄດ້ປະຕິບັດວິວັດການຂຸດຄົ້ນດ້ານການທະຫານຢູ່ບັນດາປະເທດເອີລົບຕາເວັນອອກ ຜ່ານການສ້າງສຳເລັດພື້ນຖານໂຄງລ່າງ, ກໍ່ສ້າງບັນດາສະໜາມບິນ, ທ່າກໍ່າປັ່ນ ເປັນທັນສະໄໝ.