(vovworld) - ວັນທີ 10/7, ສຳນັກຂ່າວສານ Inteefax ຂອງລັດເຊຍ ໄດ້ຄັດສະເໜີຄຳເວົ້າຂອງທ່ານລັດຖະມົນຕີຊ່ວຍວ່າການກະຊວງການຕ່າງປະເທດລັດເຊຍ Mikhail Bogdanov ໂດຍໃຫ້ຮູ້ວ່າ: ລັດເຊຍ ໄດ້ສະເໜີຈັດຕັ້ງກອງປະຊຸມໃໝ່ຂອງກຸ່ມ “ບັນດາເພື່ອນມິດຂອງຊີຣີ” ຢູ່ນະຄອນຫຼວງ ມົດສະກູ. ໃນກອງປະຊຸມທີ່ຈັດຂຶ້ນຢູ່ ເຊີແນວ ປະເທດສະວິດເມື່ອວັນທີ 30/6 ທີ່ຜ່ານມາ, ກຸ່ມນີ້ໄດ້ເຫັນດີເປັນເອກະພາບຕໍ່ວິວັດການ ເປີດຊ່ອງທາງໃຫ້ແກ່ໄລຍະຂ້າມຜ່ານຢູ່ຊີຣີ ເພື່ອແນໃສ່ຊ່ວຍຢຸດຕິການປະທະກັນທີ່ແກ່ຍາວໃນປະຈຸບັນ. ແຕ່ເຖິງຢ່າງໃດກໍຕາມ, ທ່ານ Mikhail Bogdanov ຢັ້ງຢືນວ່າ, ບໍ່ມີປະເທດມະຫາອຳນາດໃດມີສິດຕັດສິນຊາຕາກຳທ່ານປະທານາທິບໍດີ ຊີຣີ Bashar Al Assad ແລະ ຖືວ່າ ການຮ່ວມມືດ້ານເຕັກນິກ - ການທະຫານລະຫວ່າງລັດເຊຍ ແລະ ຊີຣີ ບໍ່ລະເມີດບັນດາຄຳໝັ້ນສັນຍາສາກົນ.