(ພາບ: http://thegioi.baotintuc.vn )
(vovworld)- ວັນທີ 4/10, ປຊຊ ລາດເວຍ ໄດ້ດຳເນີນການປ່ອນບັດເລືອກຕັ້ງສະມາຊິກສະພາແຫ່ງຊາດ ລວມ 100 ທ່ານ. ບັນດາສະຖານທີ່ປ່ອນບັດເລືອກຕັ້ງໄດ້ເປີດປະຕູນັບແຕ່ເວລາ 11 ໂມງ ແລະ ອັດປະຕູໃນເວລາ 24 ໂມງຕາມເວລາຫວຽດນາມ. ມີທັງໝົດ 13 ພັກການເມືອງ ແລະ ກຸ່ມເລືອກຕັ້ງໄດ້ເຂົ້າຮ່ວມການເລືອກຕັ້ງທົ່ວປະເທດຄັ້ງນີ້, ໃນນັ້ນເຄັ່ງຕຶງກ່ວາໝູ່ແມ່ນການຊ່ວງເສັງລະຫວ່າງສຳພັນທະມິດກາງຂວາຕາມແນວທາງແຂງກະດ້າງ ກັບພັກຝ່າຍຄ້ານ Harmony.
ໝາກຜົນການສຳຫຼວດໃຫ້ເຫັນວ່າ, ພັກ Harmony ພວມມີທ່າໄດ້ປຽບ, ພັກນີ້ເຄີຍຍາດໄດ້ບັດສະໜັບສະໜູນຫຼາຍກ່ວາໝູ່ໃນການເລືອກຕັ້ງເມື່ອປີ 2011 ແຕ່ຍ້ອນບໍ່ສ້າງຕັ້ງສຳພັນທະມິດກວມອັດຕາສ່ວນຫຼາຍໃນສະພາແຫ່ງຊາດໄດ້, ລັດຖະ ບານລາດເວຍ ພັດໄດ້ຮັບການສ້າງຕັ້ງຂຶ້ນດ້ວຍສຳພັນທະມິດລວມ 3 ພັກກາງຂວາ./.