ວິກິດການອົບພະຍົບເອີລົບ-ຫົວຂໍ້ຕົ້ນຕໍ່ໃນກອງປະຊຸມສປຊ
(ພາບປະກອບ: reuters)
(vovworld) – ວິກິດການອົບພະຍົບເອີລົບ ໄດ້ກາຍເປັນເນື້ອໃນຕົ້ນຕໍ່ທີ່ກອງປະຊຸມຂອງສະພາສິດທິມະນຸດສະຫະປະຊາຊາດ ເຊິ່ງດຳເນີນໄປຢູ່ເຊີແນວ, ປະເທດສະວິດ ໃນວັນທີ 21/09. ບັນດາຄຳເຫັນທີ່ກອງປະຊຸມ ໄດ້ອອກສຽງຮຽກຮ້ອງ ຕ້ອງຢຸດຕິການປະທະກັນຢູ່ຊີຣີ ແລະ ຖືນີ້ແມ່ນມາດຕະການແກ້ໄຂດີທີ່ສຸດ ເພື່ອຊ່ວຍສະກັດກັ້ນຊາວອົບພະຍົບຈາກປະເທດຕາເວັນອອກກາງນີ້ ໄປເອີລົບ. ພາຍຫຼັງຮັບບົດລາຍງານໃໝ່ສຸດຈາກບັນດານັກສຶບສວນສະຫະປະຊາຊາດເປັນທາງການ ກ່ຽວກັບສະພາບການໃຊ້ຄວາມຮຸນແຮງທີ່ພວມແຜ່ລາມອອກຢ່າງກວ້າງຂວາງໃນເສິກກາງເມືອງທີ່ແກ່ຍາວເປັນເວລທີ 4 ປີຜ່ານມາຢູ່ຊີຣີ, ບັນດາຄະນະຜູ້ແທນເອີລົບ ເຂົ້າຮ່ວມກອງປະຊຸມລ້ວນແຕ່ເນັ້ນໜັກວ່າ, ຢຸດຕິການປະທະກັນແມ່ນມາດຕະການແກ້ໄຂບັນຫາວິກິດການອົບພະຍົບໃນປະຈຸບັນ. ຕີລາຄາກ່ຽວກັບບັນຫາດັ່ງກ່າວ, ຜູ້ຕາງໜ້າສະຫະປະຊາຊາດ ຖືວ່າ, ສະພາບການພຽງໄດ້ຮັບການປັບປຸງ ເມື່ອປະຊາຄົມສາກົນແບ່ງປັນຄວາມຮັບຜິດຊອບ ເພື່ອຕອບສະໜອງຄວາມຕ້ອງການມະນຸດສະທຳ ຍ້ອນວິກິດການຢູ່ຊີຣີ.