(ພາບປະກອບ)
(vovworld) - ວັນທີ 20/8, ວິສາຫະກິດເກືອບ 80 ແຫ່ງຂອງນະຄອນ ຮ່າໂນ້ຍ ແລະ ສ.ເຊັກໂກ ທີ່ເຄື່ອນໄຫວໃນຂົງເຂດຕ່ຳແຜ່ນຕັດຫຍິບ, ເກີບໜັງ ໄດ້ມີການພົບປະ, ແລກປ່ຽນຄວາມສາມາດໃນການຮ່ວມມື ແລະ ການລົງທຶນເຂົ້າຕະຫລາດຂອງກັນ ທີ່ກອງປະຊຸມສຳມະນາທີ່ດຳເນີນຢູ່ນະຄອນຫລວງ ປຣາຮາ, ສ.ເຊັກໂກ. ຕາມທ່ານຫົວໜ້າພະແນກອຸດສາຫະກຳ ແລະ ການຄ້າ ຮ່າໂນ້ຍ ເລຮົ່ງທັ໋ງ ແລ້ວ ການແຊກຊຶມເຂົ້າຕະຫລາດ ສ.ເຊັກໂກ ຈະຊ່ວຍບັນດາວິສາຫະກິດ ຫວຽດນາມ ສຳພັດກັບຕະຫລາດ ອີຢູ ທີ່ກ້ວາງຂວາງກ່ວາຢ່າງງ່າຍດາຍ. ທ່ານ ເລຮົ່ງທັ໋ງ ໃຫ້ຮູ້ວ່າ:
“ທຸກຄົນຄິດວ່າການສົ່ງເສີມການຄ້າເຂົ້າຕະຫລາດມູນເຊື້ອຄື ເອີຣົບຕາເວັນອອກ ແມ່ນເກົ່າແລ້ວ ແຕ່ຄວາມຈິງແລ້ວ, ນີ້ຜັດແມ່ນເລື່ອງໃໝ່, ເພາະມັນແມ່ນປະຕູເຂົ້າຕະຫລາດ ອີຢູ ໄວທີ່ສຸດ. ສ.ເຊັກໂກ ແມ່ນຕະຫລາດມີພົນລະເມືອງ 90 ລ້ານຄົນ ແລະ ຕະຫລາດນີ້ເໝາະສົມກັບຄຸນນະພາບ,ສິນຄ້າ ຫວຽດນາມ ກໍຄື ລາຄາຂອງສິນຄ້າ ຫວຽດນາມ, ຖ້າຫາກພວກເຮົາເຂົ້າຕະຫລາດ ເອີຣົບຕາເວັນອອກ ພວກເຮົາກໍ່ຈະເຂົ້າຮ່ວມຕະຫລາດ ອີຢູ ໄດ້”.
ທີ່ກອງປະຊຸມສຳມະນາ, ຜູ້ແທນເກືອບ 60 ວິສາຫະກິດຕ່ຳແຜ່ນຕັດຫຍິບ ແລະ ເກີບໜັງຂອງ ສ.ເຊັກໂກ ເອົາໃຈໃສ່ທີສຸດເຖິງຊະນິດ, ການອອກແບບ, ຄຸນນະພາບຜະລິດຕະພັນຂອງ ຫວຽດນາມ . ບັນດາວິສາຫະກິດ ສ.ເຊັກໂກ ປາດຖະໜາຢາກມີການແລກປ່ຽນຢ່າງແທດຈິງຕື່ມອີກ ແລະ ຊອກຮູ້ຄວາມຈິງຢູ່ຕະຫລາດຂອງກັນເພື່ອດຳເນີນການລົງນາມໃນບັນດາເອກະສານຮ່ວມມືລົງທຶນໃນໄລຍະຈະມາເຖິງ.